Shock for Australia: హోబర్ట్ హరికేన్స్ కెప్టెన్ నాథన్ ఎల్లిస్ జరుగుతున్న బిగ్ బాష్ లీగ్ నుంచి తప్పుకున్నాడు. జనవరి 23, శుక్రవారం నాడు సిడ్నీ సిక్సర్స్‌తో జరిగిన మ్యాచ్‌లో అతని జట్టు టైటిల్ రేసు నుంచి నిష్క్రమించింది. అయితే, హ్యామ్‌స్ట్రింగ్ గాయం కారణంగా ఎల్లిస్ ఈ మ్యాచ్‌కు అందుబాటులో లేడు. ఫిబ్రవరి 7న ప్రారంభం కానున్న టీ20 ప్రపంచకప్‌కు ఆయన అందుబాటులో ఉంటాడా లేదా అన్నది ఇప్పుడు ఆందోళనకరంగా మారింది. ఎల్లిస్ ఈ సీజన్ BBLలో 9 మ్యాచ్‌ల్లో 9.03 ఎకానమీ రేటుతో 14 వికెట్లు పడగొట్టి అద్భుతమైన ఫామ్‌లో ఉన్నాడు. ఆస్ట్రేలియా జట్టులో గాయపడిన పేసర్ల జాబితా పెరుగుతోంది. ఇప్పటికే స్టార్ బౌలర్లు జోష్ హేజిల్‌వుడ్, పాట్ కమిన్స్ ఫిట్‌నెస్ సమస్యలతో సతమతమవుతున్నారు. గత ఏడాది నవంబర్ నుండి జట్టుకు దూరంగా ఉన్న హేజిల్‌వుడ్, ప్రపంచకప్ సమయానికి పూర్తి ఫిట్‌నెస్ సాధిస్తాడని అంచనా వేస్తున్నారు. వెన్నునొప్పి సమస్యతో బాధపడుతున్న కమిన్స్, ప్రపంచకప్ మధ్యలో జట్టులోకి వచ్చే అవకాశం ఉంది.ప్రపంచకప్ సన్నాహకాల్లో భాగంగా జనవరి 29 నుండి పాకిస్థాన్‌తో ప్రారంభం కానున్న మూడు మ్యాచ్‌ల టీ20 సిరీస్‌కు నాథన్ ఎల్లిస్, టిమ్ డేవిడ్, జోష్ హేజిల్‌వుడ్, గ్లెన్ మాక్స్‌వెల్ మరియు పాట్ కమిన్స్‌లకు విశ్రాంతి ఇచ్చారు. వీరంతా ప్రపంచకప్ ప్రొవిజనల్ స్క్వాడ్‌లో సభ్యులు. వీరిలో కొందరు గాయాల నుండి కోలుకుంటుండగా, మరికొందరి పనిభారాన్ని మేనేజ్‌మెంట్ నిశితంగా గమనిస్తోంది.

Tags: