FIFA World Cup: FIFA వరల్డ్ కప్ కు అర్హత సాధించిన అతి చిన్న దేశం

FIFA World Cup: కరీబియన్ దీవి దేశమైన కురాకో 2026లో జరగబోయే FIFA ప్రపంచ కప్‌కు అర్హత సాధించింది. ఈ విజయం ఫుట్‌బాల్ చరిత్రలోనే ఒక అద్భుతమైన ఘట్టం. కేవలం 1,56 వేల మంది జనాభా మాత్రమే ఉన్న కురాకో ప్రపంచ కప్‌కు అర్హత సాధించిన అత్యంత చిన్న దేశంగా (జనాభా పరంగా) రికార్డు సృష్టించింది. గతంలో ఈ రికార్డు ఐస్‌లాండ్ (2018లో 3లక్షల50 వేల జనాభా) పేరిట ఉండేది. నవంబర్ 18న జరిగిన CONCACAF క్వాలిఫయింగ్ మ్యాచ్‌లో ఈ అర్హత ఖరారైంది. తుది క్వాలిఫయర్ మ్యాచ్‌లో కురాకో... జమైకాపై 0-0 తేడాతో డ్రా చేసుకుంది. గ్రూప్‌లో అగ్రస్థానం దక్కించుకోవడానికి ఈ ఒక్క పాయింట్ వారికి సరిపోయింది.

జమైకాపై జరిగిన ఈ మ్యాచ్ ఉత్కంఠగా సాగింది. జమైకా మూడుసార్లు పోస్ట్‌ను కొట్టి గోల్ చేసే అవకాశాలను కోల్పోయింది. ఇంజ్యూరీ టైమ్‌లో జమైకాకు పెనాల్టీ లభించినా, VAR (Video Assistant Referee) ద్వారా ఆ నిర్ణయాన్ని తిరగరాయడంతో కురాకో ఊపిరి పీల్చుకుని, చారిత్రక అర్హతను దక్కించుకుంది. డచ్ కోచ్ డిక్ అడ్వొకాట్ (78 ఏళ్లు) మార్గదర్శకత్వంలో ఈ విజయం సాధించింది. ఆయన తన వయసులో ప్రపంచ కప్‌కు అర్హత సాధించిన అత్యంత పెద్ద వయస్కుడైన కోచ్‌లలో ఒకరు అయ్యే అవకాశం ఉంది.కురాకో విజయం.. ఫుట్‌బాల్ ప్రపంచంలో ఒక చిన్న దేశం సాధించిన అసాధారణమైన విజయ గాథగా నిలిచింది.