Smriti Mandhana: చరిత్ర సృష్టించిన స్మృతి మంధాన .. తొలి భారత మహిళా క్రికెటర్‌గా

Smriti Mandhana: నాటింగ్‌హామ్‌లో ఇంగ్లాండ్‌తో జరిగిన 5 మ్యాచ్‌ల టీ20 సిరీస్‌లోని తొలి మ్యాచ్‌లో భారత కెప్టెన్ స్మృతి మంధాన అద్భుతమైన సెంచరీతో ఆకట్టుకుంది. ఇది ఆమె టీ20 కెరీర్‌లో తొలి సెంచరీ. మంధాన 51 బంతుల్లో తన తొలి అంతర్జాతీయ T20 సెంచరీని నమోదు చేసింది. ఆమె ఇన్నింగ్స్‌లో 14 ఫోర్లు, 4 సిక్సర్లు ఉన్నాయి. తొలి వికెట్‌కు షఫాలీ వర్మతో కలిసి మంధాన 77 పరుగుల భాగస్వామ్యాన్ని, రెండో వికెట్‌కు హర్లీన్ డియోల్ (43)తో కలిసి 94 పరుగుల భాగస్వామ్యాన్ని, మూడో వికెట్‌కు రిచా ఘోష్‌తో కలిసి 15 పరుగుల భాగస్వామ్యాన్ని నెలకొల్పింది. భారత మహిళా జట్టు తరపున టీ20 క్రికెట్‌లో సెంచరీ చేసిన రెండో బ్యాట్స్‌మన్‌గా మంధాన నిలిచింది. దీనికి ముందు, హర్మన్‌ప్రీత్ కౌర్ 2018లో న్యూజిలాండ్‌పై సెంచరీ చేసింది. అంతర్జాతీయ క్రికెట్‌లో మూడు ఫార్మాట్లలో అత్యధిక సెంచరీలు చేసిన మహిళా క్రికెటర్లలో మంధాన సంయుక్తంగా మూడవ స్థానంలో ఉంది. ఆస్ట్రేలియా మాజీ కెప్టెన్ మెగ్ లానింగ్ 17 సెంచరీలతో మొదటి రెండు స్థానాల్లో, న్యూజిలాండ్ లెజెండ్ సుజీ బేట్స్ 15 సెంచరీలతో మొదటి రెండు స్థానాల్లో ఉన్నారు. 20 ఓవర్లలో 5 వికెట్ల నష్టానికి భారత్ 210 పరుగులు చేసింది. ఇది భారత జట్టుకు 2వ అత్యధిక స్కోరు. 2024లో వెస్టిండీస్‌పై జరిగిన 217 పరుగులు అత్యధిక స్కోరు. మొత్తం మీద 200 పరుగుల మార్కును దాటడం ఇది 3వ సారి. స్మృతి మంధాన తన కెరీర్‌లో ఓవరాల్‌గా 14 సెంచరీలు చేయగా.. అందులో అత్యధికంగా వన్డేల్లో 11 శతకాలు బాదింది. ఇప్పటి వరకు ఏడు టెస్టులు ఆడిన స్మృతి 149 హైయెస్ట్‌తో మూడు హాఫ్ సెంచరీలు, రెండు సెంచరీలు నమోదు చేసింది.