2027 ICC Men’s ODI World Cup: 2027 ఐసీసీ పురుషుల వన్డే ప్రపంచ కప్ వేదికలు ఇవే

2027 ICC Men’s ODI World Cup: 2027లో జరగబోయే వన్డే ప్రపంచ కప్ టోర్నమెంట్‌కు ఆతిథ్యమిచ్చే 12 వేదికలను ఐసీసీ అధికారికంగా ప్రకటించింది. దక్షిణాఫ్రికా, జింబాబ్వే, నమీబియా దేశాలు సంయుక్తంగా ఈ ప్రతిష్టాత్మక మెగా టోర్నీని నిర్వహించనున్నాయి. 2003 తర్వాత మళ్లీ 24 ఏళ్లకు వన్డే ప్రపంచ కప్ ఆఫ్రికా ఖండానికి తిరిగి రావడం విశేషం.

ఈ టోర్నీలో మొత్తం 57 మ్యాచ్‌లు జరగనున్నాయి. ఇందులో దక్షిణాఫ్రికాలోని 8 వేదికలు, జింబాబ్వేలోని 3 వేదికలతో పాటు నమీబియాలోని 1 వేదికలో మ్యాచ్‌లు నిర్వహిస్తారు. నమీబియా సీనియర్ ఐసీసీ టోర్నమెంట్‌కు ఆతిథ్యం ఇవ్వడం ఇదే తొలిసారి.

ప్రపంచ కప్ జరిగే 12 వేదికలు:

దక్షిణాఫ్రికా (8 వేదికలు):

వాండరర్స్ స్టేడియం (జోహాన్నెస్‌బర్గ్)

సెంచూరియన్ (ట్వానే)

న్యూలాండ్స్ క్రికెట్ గ్రౌండ్ (కేప్ టౌన్)

కింగ్స్‌మీడ్ క్రికెట్ గ్రౌండ్ (డర్బన్)

సెయింట్ జార్జెస్ పార్క్ (గెబర్హా)

మంగావుంగ్ ఓవల్ (బ్లూమ్‌ఫోంటెన్)

బోలాండ్ పార్క్ (పారల్)

బఫెలో పార్క్ (కూగొంపో సిటీ)

జింబాబ్వే (3 వేదికలు):హరారే స్పోర్ట్స్ క్లబ్ (హరారే) క్వీన్స్ స్పోర్ట్స్ క్లబ్ (బులవాయో) ఫేలే మోసి-ఓ-తున్యా ఇంటర్నేషనల్ క్రికెట్ స్టేడియం (విక్టోరియా ఫాల్స్)

నమీబియా (1 వేదిక):

నమీబియా క్రికెట్ గ్రౌండ్ (విండ్‌హోక్)

2027 ప్రపంచ కప్‌లో ఐసీసీ ఒక కొత్త ఫార్మాట్‌ను ప్రవేశపెడుతోంది

సూపర్ సిరీస్ (అర్హత రౌండ్): 12 నుండి 14వ ర్యాంక్‌లో ఉన్న జట్లు ముందుగా 'సూపర్ సిరీస్' రౌండ్-రాబిన్ పద్ధతిలో తలపడతాయి. ఇందులో విజేతగా నిలిచిన జట్టు ప్రధాన లీగ్ దశకు అర్హత సాధిస్తుంది

లీగ్ దశ: ప్రధాన లీగ్ దశలో మొత్తం 12 జట్లు ఉంటాయి. వీటిని గ్రూప్‌నకు 6 జట్ల చొప్పున రెండు గ్రూప్‌లుగా విడదీస్తారు. ప్రతీ జట్టు తన గ్రూప్‌లోని మిగిలిన ఐదు జట్లతో ఒక్కో మ్యాచ్ ఆడుతుంది (మొత్తం 30 లీగ్ మ్యాచ్‌లు)

సూపర్ 7 (Super 7): ప్రతీ గ్రూప్ నుంచి టాప్-3 స్థానాల్లో నిలిచిన జట్లతో పాటు, రెండు గ్రూప్‌లలో కలిపి అత్యుత్తమ ప్రదర్శన చేసిన మరొక జట్టు (మొత్తం 7 జట్లు) 'సూపర్ 7' దశకు అర్హత సాధిస్తాయి. ఇందులో రౌండ్-రాబిన్ పద్ధతిలో 21 మ్యాచ్‌లు జరుగుతాయి.

నాకౌట్ దశ: సూపర్ 7 పాయింట్ల పట్టికలో మొదటి 4 స్థానాల్లో నిలిచిన జట్లు సెమీఫైనల్స్‌కు చేరుకుంటాయి. మొదటి స్థానంలో ఉన్న జట్టు నాల్గవ స్థానంలో ఉన్న జట్టుతో, రెండో స్థానంలో ఉన్న జట్టు మూడో స్థానంలో ఉన్న జట్టుతో సెమీఫైనల్స్ ఆడతాయి. విజేతలు ఫైనల్ పోరులో తలపడతారు.