Vijay Hazare Trophy: విజయ్ హజారే ట్రోఫీకి గిల్

Vijay Hazare Trophy: టీమ్ ఇండియా యువ స్టార్ బ్యాటర్ శుభ్‌మన్ గిల్ మళ్లీ దేశవాళీ క్రికెట్లోకి అడుగుపెడుతున్నారు. శనివారం, మంగళవారం సిక్కిం, గోవాతో జరిగే రెండు మ్యాచ్‌‌ల్లో అతను పంజాబ్‌‌ తరఫున బరిలోకి దిగే అవకాశం ఉంది. ఇటీవల జరిగిన టెస్టు సిరీస్‌లలో గిల్ ప్రదర్శన ఆశించిన స్థాయిలో లేదు. ఇప్పటికే టీ20 వరల్డ్‌‌ కప్‌‌కు దూరమైన గిల్‌‌ను ఈ ఏడాది ఆసియా కప్‌‌ కోసం అతన్ని తిరిగి తీసుకొచ్చారు. కానీ షార్ట్‌‌ ఫార్మాట్‌‌లో గిల్‌‌ పెర్ఫామెన్స్‌‌ అనుకున్నంత బాగా లేకపోవడంతో వేటు తప్పలేదు.

త్వరలో జరగబోయే ముఖ్యమైన అంతర్జాతీయ సిరీస్‌లకు ముందు తన ఫామ్‌ను మెరుగుపరుచుకోవడానికి ఈ టోర్నీని వేదికగా చేసుకుంటున్నారు. గిల్ రాకతో పంజాబ్ బ్యాటింగ్ లైనప్ మరింత బలోపేతం కానుంది. ఇది ఆ జట్టు టైటిల్ గెలిచే అవకాశాలను పెంచుతుంది. వన్డే క్రికెట్‌లో అద్భుతమైన రికార్డును కలిగి ఉన్నారు. ఈ 50 ఓవర్ల టోర్నీ ఆడటం వల్ల ఆయనకు తన సహజసిద్ధమైన ఆటను ఆడే అవకాశం దక్కుతుంది.శుభ్‌మన్ గిల్ టీమ్ ఇండియాలో కీలక ఆటగాడు. రాబోయే ఛాంపియన్స్ ట్రోఫీ , ఇతర కీలక వన్డే మ్యాచ్‌ల దృష్ట్యా, గిల్ ఈ టోర్నీలో పరుగులు సాధించడం భారత జట్టుకు కూడా మేలు చేస్తుంది.