Virat Kohli: ఇంపాక్ట్ ప్లేయర్గా కోహ్లీ ఎంట్రీ.. కానీ ఇంకా 100 శాతం ఫిట్గా లేనంటూ షాకింగ్ అప్డేట్!
కానీ ఇంకా 100 శాతం ఫిట్గా లేనంటూ షాకింగ్ అప్డేట్!
Virat Kohli: ఐపీఎల్ 2026లో డిఫెండింగ్ ఛాంపియన్ రాయల్ ఛాలెంజర్స్ బెంగళూరు దూసుకుపోతున్నప్పటికీ, ఆ జట్టు స్టార్ బ్యాటర్ విరాట్ కోహ్లీ ఫిట్నెస్ ఇప్పుడు ఆందోళన కలిగిస్తోంది. బుధవారం లక్నో సూపర్ జెయింట్స్తో జరిగిన మ్యాచ్లో కోహ్లీ అనూహ్యంగా 'ఇంపాక్ట్ సబ్స్టిట్యూట్'గా బరిలోకి దిగారు. ముంబై ఇండియన్స్తో జరిగిన గత మ్యాచ్లో మోకాలి నొప్పితో ఇబ్బంది పడ్డ ఆయన, ఈ మ్యాచ్లో ఫీల్డింగ్ చేయకుండా కేవలం బ్యాటింగ్ మాత్రమే చేశారు.
ఈ మ్యాచ్లో 34 బంతుల్లో 49 పరుగులు చేసి జట్టు విజయంలో కీలక పాత్ర పోషించిన అనంతరం కోహ్లీ తన ఆరోగ్యంపై క్లారిటీ ఇచ్చారు. "గత మ్యాచ్తో పోలిస్తే ఇప్పుడు కొంచెం నయంగానే ఉంది, కానీ నేను ఇంకా 100 శాతం ఫిట్గా లేను. మోకాలి నొప్పితో పాటు గత నాలుగైదు రోజులుగా ఆరోగ్య సమస్యలతో (జ్వరం వంటివి) ఇబ్బంది పడుతున్నాను. మళ్లీ మునుపటి ఫామ్లోకి రావడానికి ప్రయత్నిస్తున్నాను" అని కోహ్లీ వెల్లడించారు.
ఆరంభంలో మెరుపులు.. తర్వాత నెమ్మదిగా:
ఈ ఇన్నింగ్స్లో కోహ్లీ ఆరంభంలోనే కేవలం 14 బంతుల్లో 34 పరుగులు చేసి ఊపు మీద కనిపించారు. అయితే ఆ తర్వాత ఒక్కసారిగా ఆయన వేగం తగ్గింది. దీనిపై స్పందిస్తూ.. "పిచ్ ఒక్కసారిగా నెమ్మదించింది, అందుకే కండిషన్స్కు తగ్గట్టుగా ఆడాల్సి వచ్చింది. మ్యాచ్ను నేనే ఫినిష్ చేసి ఉంటే బాగుండేది" అని ఆయన అభిప్రాయపడ్డారు.
ఆరెంజ్ క్యాప్ రేసులో టాప్:
కోహ్లీ ప్రస్తుతం అద్భుతమైన ఫామ్లో ఉన్నారు. ఇప్పటివరకు ఆడిన ఐదు ఇన్నింగ్స్ల్లో 158.33 స్ట్రైక్ రేట్తో 228 పరుగులు చేసి ఆరెంజ్ క్యాప్ రేసులో అగ్రస్థానంలో కొనసాగుతున్నారు. కోహ్లీ రాణించడంతో ఆర్సీబీ పాయింట్ల పట్టికలో మొదటి స్థానానికి చేరుకుంది. ఏప్రిల్ 18న గుజరాత్ టైటాన్స్తో జరగబోయే తదుపరి మ్యాచ్ సమయానికి కోహ్లీ పూర్తిస్థాయిలో కోలుకోవాలని అభిమానులు కోరుకుంటున్నారు. కోహ్లీ జట్టులో ఉండటం కేవలం రన్స్ కోసమే కాదు, ఆయన అనుభవం జట్టుకు ఎంతో కీలకం.