Suresh Raina and Shikhar Dhawan Face Sajjanar’s Anger: సురేశ్ రైనా, శిఖర్ ధావన్‌పై సజ్జనార్ ఆగ్రహం: ‘బెట్టింగ్ ప్రమోట్ చేసి యువతను తప్పుదారి పట్టించకండి!’

క్రికెటర్ల అభిమానాన్ని సొమ్ముగా మార్చుకుని.. ఆత్మహత్యలకు కారణమయ్యారా?

‘సమాజ మేలు కోసం మంచి మాటలు చెప్పండి.. ప్రాణాలు తీయకండి’ – సీపీ సజ్జనార్ ఎక్స్ పోస్ట్

హైదరాబాద్ పోలీసు కమిషనర్ తీవ్ర ఆగ్రహం.. యువత భద్రతపై హెచ్చరిక

Suresh Raina and Shikhar Dhawan Face Sajjanar’s Anger: ప్రముఖ క్రికెటర్లు సురేశ్ రైనా, శికర్ ధావన్‌లు బెట్టింగ్ మహమ్మారిని ప్రమోట్ చేయడంపై హైదరాబాద్ పోలీసు కమిషనర్ సీపీ సజ్జనార్ తీవ్ర ఆగ్రహాన్ని వ్యక్తం చేశారు. అభిమానుల సొమ్మును కొనుగోలు చేసుకునే వీళ్లు ఆదర్శ ఆటగాళ్లుగా ఎలా మారతారని ప్రశ్నిస్తూ, యువత జీవితాలను నాశనం చేస్తున్న ఈ భూతానికి వీరే బాధ్యులని ఆరోపించారు.

బెట్టింగ్ వల్ల వేలాది యువకులు ఆత్మహత్యలు చేసుకుంటున్నారని, సమాజాన్ని ఛిద్రం చేస్తున్న ఈ దుర్వ్యసనాన్ని ప్రచారం చేసిన క్రికెటర్లు ఈ దారుణ పరిణామాలకు కారణమని సజ్జనార్ స్పష్టం చేశారు. గురువారం ఎక్స్‌లో పోస్ట్ చేసిన తన సందేశంలో.. ‘‘బెట్టింగ్ మహమ్మారికి ఎందరో యువకులు బలవుతున్నారు. వారి జీవితాలను నాశనం చేసుకుంటున్నారు. వేల మంది ఆత్మహత్యలు చేసుకుంటున్నారు. సమాజాన్ని ఛిద్రం చేస్తోన్న బెట్టింగ్ భూతాన్ని ప్రచారం చేసిన వీరు వీటన్నింటికీ బాధ్యులు కారా..? సమాజ మేలు కోసం, యువత ఉన్నత స్థానాలకు చేరుకోవడానికి నాలుగు మంచి మాటలు చెప్పండి. అంతే కానీ మిమ్మల్ని అభిమానించే వాళ్లను తప్పుదోవ పట్టించి.. వారి ప్రాణాలను తీయకండి’’ అని హెచ్చరించారు.

సజ్జనార్ ఈ పోస్ట్‌తో క్రికెటర్లు తమ ప్రభావాన్ని సానుకూలంగా ఉపయోగించాలని, యువతకు మార్గదర్శకులుగా నిలబడాలని సూచించారు. ఈ విషయంపై సోషల్ మీడియాలో విస్తృత చర్చ జరుగుతోంది. బెట్టింగ్ వ్యసనం యువతలో విస్తరిస్తున్న నేపథ్యంలో సజ్జనార్ సందేశం ప్రస్తుత పరిస్థితులకు సంబంధించినదిగా మారింది.