N. Chandrababu Naidu: అనకాపల్లిలో రూ.5,400 కోట్ల భారీ సోలార్ ప్రాజెక్టుకు శంకుస్థాపన చేసిన సీఎం చంద్రబాబు

N. Chandrababu Naidu: ఆంధ్రప్రదేశ్‌లో పునరుత్పాదక ఇంధన రంగాన్ని బలోపేతం చేసే దిశగా మరో కీలక అడుగు పడింది. అనకాపల్లి జిల్లా రాంబిల్లి మండలం పరిధిలో రీన్యూ సంస్థ ఏర్పాటు చేయనున్న భారీ సోలార్ తయారీ కేంద్రానికి ముఖ్యమంత్రి నారా చంద్రబాబు నాయుడు శంకుస్థాపన చేశారు.

రూ.5,400 కోట్ల పెట్టుబడితో ఏర్పాటు కానున్న ఈ ప్రాజెక్ట్‌లో 6 గిగావాట్ సామర్థ్యం గల సోలార్ ఇంగాట్ మరియు వాఫర్ తయారీ యూనిట్ నిర్మించనున్నారు. దేశంలో స్వదేశీ సోలార్ ఉత్పత్తిని పెంచడం, దిగుమతులపై ఆధారాన్ని తగ్గించడం ఈ ప్రాజెక్ట్ ప్రధాన లక్ష్యంగా ఉంది.

ఈ ప్రాజెక్ట్ ద్వారా పలు వేల మందికి ప్రత్యక్ష, పరోక్ష ఉపాధి అవకాశాలు లభించనున్నాయని అంచనా. అంతేకాకుండా రాష్ట్రంలో పరిశ్రమల అభివృద్ధికి ఇది పెద్ద ఊతమివ్వనుందని అధికారులు చెబుతున్నారు.

ఏపీ ప్రభుత్వం అమలు చేస్తున్న ఇంటిగ్రేటెడ్ క్లీన్ ఎనర్జీ పాలసీ 2024కు అనుగుణంగా ఈ ప్రాజెక్ట్ ముందుకు సాగుతోంది. భవిష్యత్తులో ఆంధ్రప్రదేశ్‌ను గ్రీన్ ఎనర్జీ హబ్‌గా మార్చే దిశగా ఇది కీలక మైలురాయిగా భావిస్తున్నారు.