Harrier EV : ఈవీ మార్కెట్‌లో టాటా సంచలనం.. హారియర్ ఈవీ టాప్ మోడల్ ధర ఇదే

Harrier EV : టాటా మోటార్స్ తమ కొత్త ఎలక్ట్రిక్ ఎస్‌యూవీ హారియర్ ఈవీలోని క్యూడబ్ల్యూడీ వేరియంట్ ధరను ప్రకటించింది. ఈ మోడల్ ప్రారంభ ధర రూ.28.99 లక్షలు (ఎక్స్-షోరూమ్). ఇది హారియర్ ఈవీలో టాప్ మోడల్. ఇంతకుముందు కంపెనీ ఆర్‌డబ్ల్యూడీ వేరియంట్ ధరను రూ.21.49 లక్షల ప్రారంభ ధరతో ప్రకటించింది. ఈ ఎస్‌యూవీ భారతదేశంలో మహీంద్రా ఎక్స్‌యూవీ 9ఈ, బీవైడీ అట్టో 3, హ్యుందాయ్ అయోనిక్ 5 వంటి కార్లతో పోటీ పడుతుంది.

హారియర్ ఈవీ ఐదు రంగులలో లభిస్తుంది. నాక్టర్నల్, ఎంపవర్‌డ్ ఆక్సైడ్, ప్యూర్ గ్రే, ప్రిస్టిన్ వైట్, ఒక స్పెషల్ బ్లాక్ స్టీల్త్ ఎడిషన్. దీని బుకింగ్‌లు జూలై 2 నుండి ప్రారంభమవుతాయి. హారియర్ ఈవీ బయటి డిజైన్ డీజిల్ హారియర్ లాగానే ఉన్నప్పటికీ, ఈవీకి తగ్గట్టుగా కొన్ని మార్పులు చేశారు. ముందున్న గ్రిల్ సీల్డ్ చేశారు, దీనివల్ల గాలి బాగా ప్రవహించి బ్యాటరీ, మోటార్ చల్లగా ఉంటాయి. ముందు బంపర్‌లో కొద్దిపాటి మార్పులు చేసి, సిల్వర్ స్లాట్లు అమర్చారు. డీఆర్‌ఎల్ లైట్లు ఇప్పుడు ఒకే లైన్‌లో కనెక్ట్ అయ్యాయి. 18-అంగుళాల పెద్ద అల్లాయ్ వీల్స్ ఇచ్చారు.

హారియర్ ఈవీని టాటా కొత్త యాక్టి.ఈవీ ప్లస్ టెక్నాలజీ మీద తయారు చేశారు. ఇందులో అనేక కొత్త ఫీచర్లు ఉన్నాయి. ఏడబ్ల్యూడీ సిస్టమ్ కలిగిన టాటా మొదటి ఎలక్ట్రిక్ కారు ఇదే. ఇంతకుముందు కేవలం సఫారీ, హెక్సా వంటి డీజిల్ కార్లలో మాత్రమే 4X4 లేదా ఏడబ్ల్యూడీ ఉండేది. హారియర్ ఈవీ రెండు బ్యాటరీ ఆప్షన్లలో లభిస్తుంది. 65 kWh బ్యాటరీ ప్యాక్‌తో తక్కువ వేరియంట్లు ఉన్నాయి. ఇవి 538 కి.మీ. రేంజ్ ఇస్తాయి. 75 kWh బ్యాటరీ ప్యాక్‌తో ఎక్కువ వేరియంట్లు ఉన్నాయి, ఇవి 627 కి.మీ. రేంజ్ ఇస్తాయి. ఆల్-వీల్ డ్రైవ్ మోడల్ అప్పర్ మోడల్‌తో వచ్చింది. దీని రేంజ్ 622 కి.మీగా ఉంది.

కారు లోపల డిజైన్ డీజిల్ హారియర్ లాగానే ఉంది. ఇది వేరియంట్‌ను బట్టి డ్యూయల్-టోన్ ఇంటీరియర్ ను కలిగి ఉంటుంది. కొత్త 14.5 అంగుళాల శాంసంగ్ నియో క్యూలెడ్ టచ్‌స్క్రీన్, 10.25 అంగుళాల డిజిటల్ ఇన్‌స్ట్రుమెంట్ క్లస్టర్ ఇచ్చారు. స్క్రీన్‌పై మ్యాప్‌లను కూడా చూడవచ్చు. ఇందులో వైర్‌లెస్ ఆండ్రాయిడ్ ఆటో, ఆపిల్ కార్‌ప్లే సౌకర్యం ఉంది. క్యాబిన్‌లో కొత్త రోటరీ డయల్ ఇచ్చారు, దీని ద్వారా 6 రకాల డ్రైవింగ్ మోడ్‌లను ఎంచుకోవచ్చు.