Electric Scooters : స్మార్ట్ ఫోన్ కంటే తక్కువ ధరలో స్మార్ట్ ఫీచర్లతో ఎలక్ట్రిక్ స్కూటర్లు ఇవే

Electric Scooters : భారతీయ మార్కెట్‌లో ఎలక్ట్రిక్ వాహనాల డిమాండ్ వేగంగా పెరుగుతోంది. ముఖ్యంగా ఎలక్ట్రిక్ స్కూటర్ల అమ్మకాలు భారీగా పెరిగాయి. కొత్త ఎలక్ట్రిక్ స్కూటర్‌ను కొనాలని ప్లాన్ చేస్తుంటే.. ఈ సమాచారం చాలా ఉపయోగపడుతుంది. మార్కెట్‌లో అందుబాటులో ఉన్న కొన్ని ప్రముఖ ఎలక్ట్రిక్ స్కూటర్ల వివరాలు ఇప్పుడు చూద్దాం.

ఓలా ఎస్1 ప్రో స్పోర్ట్(Gen 3)

ఓలా కంపెనీ ఈ సంవత్సరం ఆగస్టులో S1 ప్రో స్పోర్ట్ జెన్ 3ను లాంచ్ చేసింది. దీని ఎక్స్-షోరూమ్ ధర రూ. 1.50 లక్షలు. కేవలం రూ. 999 చెల్లించి దీనిని ప్రీ-బుక్ చేసుకోవచ్చు. ఈ కొత్త ఓలా స్కూటర్ డెలివరీలు జనవరి 2026 నుంచి మొదలవుతాయి. ఈ స్కూటర్‌లో 5.2 kWh బ్యాటరీ ప్యాక్ ఉంది. ఓలా కంపెనీ ప్రకారం.. ఇది ఒకసారి ఛార్జ్ చేస్తే 320 కిలోమీటర్ల వరకు ప్రయాణిస్తుంది. ఫాస్ట్ ఛార్జర్‌తో కేవలం 15 నిమిషాల్లో 20-80% వరకు ఛార్జ్ చేయవచ్చు.

అల్ట్రావైలెట్ టెసెరాక్ట్

అల్ట్రావైలెట్ కంపెనీ నుంచి వచ్చిన మొదటి ఎలక్ట్రిక్ స్కూటర్ టెసెరాక్ట్. దీని ఎక్స్-షోరూమ్ ధర రూ. 1.45 లక్షలు. ఈ స్కూటర్ 14-అంగుళాల వీల్స్, టెలిస్కోపిక్ ఫ్రంట్ సస్పెన్షన్‌తో వస్తుంది. ఇందులో 7-ఇంచుల టచ్‌స్క్రీన్ టిఎఫ్‌టి ఇన్‌స్ట్రుమెంట్ కన్సోల్, ఇంటిగ్రేటెడ్ డాష్‌క్యామ్, ఫోన్ కోసం వైర్‌లెస్ ఛార్జింగ్ వంటి అడ్వాన్సుడ్ ఫీచర్లు ఉన్నాయి.

హీరో విడా వీఎక్స్2

హీరో మోటోకార్ప్ ఈ సంవత్సరం జూలైలో విడా వీఎక్స్2ను లాంచ్ చేసింది. ఇది రెండు వేరియంట్లలో లభిస్తుంది.. వీఎక్స్2 గో, వీఎక్స్2 ప్లస్. వీటి ధరలు వరుసగా రూ. 99,490, రూ. 1.10 లక్షలు (రెండు ఎక్స్-షోరూమ్ ధరలు). ఇందులో 2.2 kWh సింగిల్ బ్యాటరీ ఉంది, ఇది ఒకసారి ఛార్జ్ చేస్తే 92 కిలోమీటర్ల దూరం ప్రయాణిస్తుంది. ఈ స్కూటర్ 4.2 సెకన్లలో 0 నుంచి 40 కిలోమీటర్ల వేగాన్ని అందుకుంటుంది. దీని టాప్ స్పీడు గంటకు 70 కిలోమీటర్లు.

కైనెటిక్ డిఎక్స్

ఎలక్ట్రిక్ టూ-వీలర్ విభాగంలో కైనెటిక్ డిఎక్స్ కూడా ఒక ప్రముఖ లాంచ్. ఇది 1980,90లలో వచ్చిన కైనెటిక్ స్కూటర్‌ను గుర్తు చేస్తుంది. ఇది రెండు వేరియంట్లలో లభిస్తుంది... డిఎక్స్, డిఎక్స్. వీటి ధరలు వరుసగా రూ. 1,11,499, రూ. 1,17,499 (ఎక్స్-షోరూమ్ ధరలు). ఇది 4.8 kW మోటార్, 2.6 kWh బ్యాటరీతో వస్తుంది. దీని టాప్ స్పీడు గంటకు 90 కిలోమీటర్లు. ఒకసారి ఛార్జ్ చేస్తే 102 కిలోమీటర్లు (బేస్ వేరియంట్) లేదా 116 కిలోమీటర్లు (టాప్ వేరియంట్) ప్రయాణిస్తుంది.

టీవీఎస్ ఆర్బిటర్

టీవీఎస్ తన మూడవ ఎలక్ట్రిక్ స్కూటర్ ఆర్బిటర్‌ను లాంచ్ చేసింది. దీని ఎక్స్-షోరూమ్ ధర రూ. 99,990. ఆర్బిటర్‌లో 3.1 kWh బ్యాటరీ ప్యాక్ ఉంది, ఇది ఒకసారి ఛార్జ్ చేస్తే 158 కిలోమీటర్ల దూరం ప్రయాణిస్తుందని కంపెనీ పేర్కొంది. ఇందులో బ్లూటూత్ కనెక్టివిటీ, డిజిటల్ డిస్‌ప్లే, క్రూజ్ కంట్రోల్, హిల్ హోల్డ్ ఫంక్షన్, రివర్స్ పార్కింగ్ అసిస్ట్ వంటి ఫీచర్లు ఉన్నాయి.