Fixed Deposits : పెద్దలకు బంపర్ ఆఫర్.. ఈ బ్యాంకుల్లో ఫిక్స్‌డ్ డిపాజిట్‌ చేస్తే భారీ వడ్డీ

Fixed Deposits : భారతదేశంలో సామాన్యులకు ఫిక్స్‌డ్ డిపాజిట్ అనేది ఇప్పటికీ ఒక సాధారణ పెట్టుబడి మార్గం. బ్యాంకులు, పోస్ట్ ఆఫీసుల్లో వివిధ కాలపరిమితులకు డిపాజిట్లు చేయడానికి అవకాశం ఉంది. చాలా బ్యాంకులు 8% కంటే ఎక్కువ వడ్డీ రేట్లను అందిస్తున్నాయి. సీనియర్ సిటిజన్లకు సాధారణ పౌరుల కంటే 0.50% ఎక్కువ వడ్డీ ఇస్తారు.

సీనియర్ సిటిజన్లు అంటే ఎవరు?

సాధారణంగా బ్యాంకులు 60 సంవత్సరాలు దాటిన వారిని సీనియర్ సిటిజన్‌లుగా పరిగణిస్తాయి. కొన్ని బ్యాంకులు 80 సంవత్సరాలు దాటిన వారిని సూపర్ సీనియర్ సిటిజన్‌లుగా పరిగణించి, వారికి మరింత ఎక్కువ వడ్డీని ఇస్తాయి.

ఏ బ్యాంకుల్లో ఎక్కువ వడ్డీ?

వాణిజ్య బ్యాంకుల కంటే చిన్న ఫైనాన్స్ బ్యాంకులు, సహకార బ్యాంకులు, సహకార సంఘాలు ఫిక్స్‌డ్ డిపాజిట్లపై ఎక్కువ వడ్డీని అందిస్తాయి. వివిధ బ్యాంకుల్లో ఫిక్స్‌డ్ డిపాజిట్ రేట్ల వివరాలు ఇలా ఉన్నాయి

* చిన్న ఫైనాన్స్ బ్యాంకుల్లో సీనియర్ సిటిజన్లకు ఫిక్స్‌డ్ డిపాజిట్ రేట్లు (సెప్టెంబర్ 2025):

* ఉత్కర్ష్ స్మాల్ ఫైనాన్స్ బ్యాంక్: 2-3 సంవత్సరాలకు 8.50% వడ్డీ.

* స్లైస్ స్మాల్ ఫైనాన్స్ బ్యాంక్: 18 నెలలకు 8.5% వడ్డీ.

* సూర్యోదయ్ స్మాల్ ఫైనాన్స్ బ్యాంక్: 5 సంవత్సరాలకు 8.40% వడ్డీ.

* జన స్మాల్ ఫైనాన్స్ బ్యాంక్: 3 సంవత్సరాల డిపాజిట్‌కు 8.25% వడ్డీ.

* ఉజ్జీవన్ స్మాల్ ఫైనాన్స్ బ్యాంక్: 2 సంవత్సరాల డిపాజిట్‌కు 7.95% వడ్డీ.

* ఈఎస్​ఏఎఫ్‌, ఈక్విటాస్, ఏయూ, యూనిటీ స్మాల్ ఫైనాన్స్ బ్యాంకులు: 7.25% నుంచి 8.0% వడ్డీ.

ప్రైవేట్ వాణిజ్య బ్యాంకుల్లో సీనియర్ సిటిజన్లకు ఫిక్స్‌డ్ డిపాజిట్ రేట్లు

* యెస్ బ్యాంక్: 7.75%

* ఐడీఎఫ్‌సీ బ్యాంక్: 7.5%

* ఇండస్‌ఇండ్ బ్యాంక్: 7.5%

* ఆర్​బీఎల్ బ్యాంక్: 7.7%

* బంధన్ బ్యాంక్: 7.7%

* యాక్సిస్, హెచ్​డీఎఫ్‌సీ, ఐసీఐసీఐ, కోటక్ మహీంద్రా బ్యాంకులు: 7.1% నుంచి 7.50% వరకు వడ్డీ.

ప్రభుత్వ బ్యాంకుల్లో సీనియర్ సిటిజన్లకు ఫిక్స్‌డ్ డిపాజిట్ రేట్లు:

* ఎస్​బీఐ, బ్యాంక్ ఆఫ్ బరోడా, పంజాబ్ నేషనల్ బ్యాంక్, యూనియన్ బ్యాంక్ ఆఫ్ ఇండియా: 7.1% వడ్డీ.

* సెంట్రల్ బ్యాంక్ ఆఫ్ ఇండియా: 7.5% వడ్డీ.

* ఇండియన్ బ్యాంక్, ఇండియన్ ఓవర్సీస్ బ్యాంక్, పంజాబ్ అండ్ సింధ్ బ్యాంక్, బ్యాంక్ ఆఫ్ మహారాష్ట్ర: 7.2% నుంచి 7.25% వడ్డీ.

* కెనరా బ్యాంక్: 7% వడ్డీ.

సూపర్ సీనియర్ సిటిజన్లకు మరింత ఎక్కువ వడ్డీ

80 సంవత్సరాల కంటే ఎక్కువ వయస్సు ఉన్నవారిని సూపర్ సీనియర్ సిటిజన్‌లుగా పరిగణిస్తారు. కొన్ని బ్యాంకులు సీనియర్ సిటిజన్లకు ఇచ్చే వడ్డీ కంటే వీరికి ఎక్కువ వడ్డీని ఇస్తాయి. పంజాబ్ నేషనల్ బ్యాంక్, ఆర్​బీఎల్, ఇండియన్ బ్యాంక్ వంటివి 25 బేసిస్ పాయింట్లు ఎక్కువ వడ్డీని అందిస్తాయి.