Viswanath & Sons: కోలీవుడ్ స్టార్ హీరో సూర్య ప్రధాన పాత్రలో టాలెంటెడ్ డైరెక్టర్ వెంకీ అట్లూరి దర్శకత్వంలో తెరకెక్కిన ఫ్యామిలీ అండ్ ఎమోషనల్ ఎంటర్‌టైనర్ విశ్వనాథ్‌ అండ్‌ స'. థియేటర్లలో బాక్సాఫీస్ సునామీ సృష్టించిన ఈ చిత్రం ఇప్పుడు డిజిటల్ ప్రీమియర్‌కు సర్వం సిద్ధం చేసుకుంది. ప్రముఖ ఓటీటీ దిగ్గజం నెట్‌ఫ్లిక్స్ వేదికగా సెప్టెంబర్ 11 నుంచి ఈ సినిమా స్ట్రీమింగ్ కానున్నట్లు అధికారిక ప్రకటన వెలువడింది.

థియేటర్లలో కాసుల వర్షం..

ఆగస్టు 14న స్వాతంత్ర్య దినోత్సవ కానుకగా ప్రేక్షకుల ముందుకు వచ్చిన ఈ సినిమా, విడుదలైన మొదటి ఆట నుంచే పాజిటివ్ టాక్‌తో దూసుకెళ్లింది. సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య అత్యంత ప్రతిష్టాత్మకంగా నిర్మించిన ఈ చిత్రం అన్ని వర్గాల ప్రేక్షకులను విశేషంగా ఆకట్టుకుంది. యూత్ మెచ్చే అంశాలతో పాటు మహిళలను కట్టిపడేసే కుటుంబ భావోద్వేగాలు ఉండటంతో సినిమా బాక్సాఫీస్ వద్ద భారీ వసూళ్లను సాధించింది. ఇప్పటివరకు ప్రపంచవ్యాప్తంగా రూ.260 కోట్లకు పైగా గ్రాస్ కలెక్షన్లను కొల్లగొట్టి సూర్య కెరీర్‌లోనే బిగ్గెస్ట్ బ్లాక్‌బస్టర్లలో ఒకటిగా నిలిచింది.

మెప్పించిన సూర్య-మమితల కెమిస్ట్రీ

ఈ సినిమాలో సూర్య నటన, ఆయన స్క్రీన్ ప్రెజెన్స్ మరోసారి ప్రేక్షకులను మంత్రముగ్ధులను చేశాయి. ప్రేమలు ఫేమ్ మమితా బైజు కథానాయికగా తన సహజసిద్ధమైన నటనతో తెలుగు, తమిళ ఆడియన్స్‌ను కట్టిపడేసింది. సీనియర్ నటి రాధికా శరత్‌కుమార్ పోషించిన కీలక పాత్ర సినిమాకు ప్రధాన బలంగా నిలిచింది. సార్ సినిమాతో బ్లాక్‌బస్టర్ అందుకున్న వెంకీ అట్లూరి, ఈ చిత్రంతో మరోసారి తన మార్క్ ఎమోషన్స్, బలమైన కథనంతో విజయాన్ని నమోదు చేశారు.

ఐదు భాషల్లో స్ట్రీమింగ్

థియేటర్లలో చూడలేకపోయిన ప్రేక్షకులు, మరోసారి ఇంట్లోనే కూర్చొని ఎంజాయ్ చేయాలనుకునే సినీ ప్రియుల కోసం ఈ చిత్రం సెప్టెంబర్ 11 నుంచి నెట్‌ఫ్లిక్స్‌లో అందుబాటులోకి రానుంది. తెలుగుతో పాటు తమిళం, మలయాళం, కన్నడ, హిందీ భాషల్లో ఏకకాలంలో స్ట్రీమింగ్ కానుంది. థియేటర్లలో రూ.260 కోట్లకు పైగా రాబట్టిన ఈ క్లీన్ ఫ్యామిలీ ఎంటర్‌టైనర్‌కు ఓటీటీలోనూ భారీ రెస్పాన్స్ రావడం ఖాయంగా కనిపిస్తోంది.

Tags: