Actress Rashmika Mandanna: అలాంటి వారికి కఠినమైన శిక్ష విధించాల్సిందే

Actress Rashmika Mandanna: నటి రష్మిక మందన్న, ఆర్టిఫిషియల్ ఇంటెలిజెన్స్ (AI) సాంకేతికత దుర్వినియోగం గురించి తీవ్రంగా ఖండిస్తూ, కఠిన చర్యలు తీసుకోవాలని డిమాండ్ చేస్తూ ఓ ప్రకటన విడుదల చేశారు.ముఖ్యంగా ఆమె డీప్‌ఫేక్ వీడియోలు వంటి AI దుర్వినియోగం గురించి ఆందోళన వ్యక్తం చేశారు.

నిజం కూడా సృష్టించబడినప్పుడు, విచక్షణే మనకు గొప్ప రక్షణ అవుతుంది.AI అనేది అభివృద్ధికి ఒక శక్తి. కానీ, మహిళలను లక్ష్యంగా చేసుకుని, అసభ్యతను సృష్టించడానికి దానిని దుర్వినియోగం చేయడం, కొంతమంది వ్యక్తులలో ఉన్న లోతైన నైతిక పతనాన్ని సూచిస్తుంది."గుర్తుంచుకోండి, ఇంటర్నెట్ ఇకపై నిజానికి ప్రతిబింబం కాదు. అది దేన్నైనా వక్రీకరించగలిగే ఒక కాన్వాస్.మనం ఈ దుర్వినియోగానికి అతీతంగా ఎదగాలి. మరింత గౌరవప్రదమైన, ప్రగతిశీల సమాజాన్ని నిర్మించడానికి AIని ఉపయోగించాలి. నిర్లక్ష్యాన్ని వదిలి బాధ్యత తీసుకుందాం.మనుషుల్లా ప్రవర్తించలేని వారికి కఠినమైన, క్షమించరాని శిక్ష విధించాలి.ఆమె ఈ వ్యాఖ్యలు చేస్తూ భారత ప్రభుత్వ సైబర్‌ క్రైమ్‌ కోఆర్డినేషన్‌ సెంటర్‌ అధికారిక ఖాతా అయిన 'సైబర్ దోస్త్' (Cyberdost) ను ట్యాగ్ చేశారు.

గతంలో ఆమెకు సంబంధించిన డీప్‌ఫేక్ వీడియో ఒకటి సోషల్ మీడియాలో వైరల్ అయిన నేపథ్యంలో, ఈ విషయంపై సినీ ప్రముఖులు, కేంద్ర ప్రభుత్వం కూడా స్పందించి తగిన చర్యలు తీసుకోవాలని సూచించిన సంగతి తెలిసిందే.