Akshay Kumar: అక్షయ్ కుమార్ విడుదల చేసిన ‘శర్మణ’ మ్యూజిక్ వీడియో

బాలీవుడ్ స్టార్ అక్షయ్ కుమార్ తాజాగా ‘శర్మణ’ అనే మ్యూజిక్ వీడియోను విడుదల చేశారు. K Sera Sera సమర్పణలో రూపొందిన ఈ పాట, భారతదేశంలోనే తొలిసారిగా AI ఇంటిగ్రేషన్‌తో వర్చువల్ స్టూడియోలో పూర్తిగా చిత్రీకరించిన మ్యూజిక్ వీడియోగా ప్రత్యేక గుర్తింపు పొందింది.

గాయకుడు, సంగీత దర్శకుడు, దర్శకుడు అయిన రామ్‌జీ గులాటి రూపొందించిన ఈ సింగిల్ ప్రస్తుతం అన్ని ప్రముఖ డిజిటల్ ప్లాట్‌ఫార్మ్స్‌లో స్ట్రీమింగ్ అవుతోంది. సంప్రదాయ మ్యూజిక్ వీడియోల పరిమితులను దాటి, టెక్నాలజీ ఆధారిత విజువల్ స్టోరీటెల్లింగ్‌కు ‘శర్మణ’ కొత్త దిశ చూపిస్తోంది.

ఈ మ్యూజిక్ వీడియోలో నటుడు రోహన్ మెహ్రా ప్రధాన పాత్రలో నటించగా, నూతన నటి హియా ఈ ప్రాజెక్ట్‌తో సినీ రంగంలోకి అడుగుపెట్టారు. ర్యాప్ వోకల్స్‌ను బిగ్ లవ్ అందించగా, సాహిత్యాన్ని కున్వర్ జూనేజా రచించారు. మ్యూజిక్, ఫ్యాషన్, స్టైలిష్ వర్చువల్ విజువల్స్ అన్నీ కలసి ఈ వీడియోకు ప్రత్యేక ఆకర్షణగా నిలిచాయి.

ఈ సందర్భంగా రామ్‌జీ గులాటి మాట్లాడుతూ,

“‘శర్మణ’ నాకు ఒక పాట మాత్రమే కాదు. ఇది నా సృజనాత్మక ఆలోచనల ప్రతిబింబం. వర్చువల్ స్టూడియోలో షూట్ చేయడం వల్ల ఊహలకు హద్దులు లేకుండా విజువల్స్ రూపొందించగలిగాం. ఇది మ్యూజిక్ వీడియోల భవిష్యత్తుకు తొలి అడుగు” అన్నారు.

నటుడు రోహన్ మెహ్రా తన అనుభవాన్ని పంచుకుంటూ,

“వర్చువల్ స్టూడియోలో నటించడం పూర్తిగా కొత్త అనుభవం. సీన్లను అర్థం చేసుకునే విధానమే మారిపోతుంది. ఇది నటులకు కొత్త సృజనాత్మక అవకాశాలను తెరుస్తుంది” అని తెలిపారు.

నటి హియా మాట్లాడుతూ,

“‘శర్మణ’ విజన్, స్కేల్ చాలా ప్రత్యేకం. కొత్త టెక్నాలజీతో బలమైన విజువల్ కథ చెప్పే ప్రాజెక్ట్‌లో భాగమవడం నాకు చాలా గర్వంగా ఉంది” అని అన్నారు.

K Sera Sera మరియు రామ్‌జీ గులాటి కలిసి సంగీతం, ఫ్యాషన్, ఆధునిక ప్రొడక్షన్ టెక్నాలజీని సమ్మిళితం చేసి, భారతీయ మ్యూజిక్ ఇండస్ట్రీలో కొత్త ప్రమాణాన్ని నెలకొల్పారు. ‘శర్మణ’ ప్రస్తుతం ప్రపంచవ్యాప్తంగా స్ట్రీమింగ్‌కు అందుబాటులో ఉంది.