M.S. Raju’s ‘Agadha Vidhwamsam’ : ఆ రోజే బాక్సాఫీస్ వద్ద ఎం.ఎస్. రాజు అగధ విధ్వంసం.. విడుదల తేదీ ఖరారు..

M.S. Raju’s ‘Agadha Vidhwamsam’ : టాలీవుడ్ సీనియర్ స్టార్ ప్రొడ్యూసర్, డైరెక్టర్ ఎం.ఎస్. రాజు ప్రతిష్టాత్మకంగా తెరకెక్కిస్తున్న మిస్టిక్ డివైన్ థ్రిల్లర్ అగధ విడుదల తేదీ ఎట్టకేలకు ఖరారైంది. ఎన్నో అంచనాల మధ్య రూపొందుతున్న ఈ చిత్రాన్ని రాబోయే ఆగస్ట్ 14 నాడు ప్రపంచవ్యాప్తంగా అత్యంత భారీ స్థాయిలో థియేటర్లలోకి తీసుకురాబోతున్నట్లు చిత్రబృందం అధికారికంగా ప్రకటించింది. శ్రీ ఆది వరాహ ప్రొడక్షన్స్ బ్యానర్‌పై కాశీ విశాలాక్షి బలుసు ఈ క్రేజీ ప్రాజెక్ట్‌ను నిర్మిస్తున్నారు.

సోషల్ మీడియాను షేక్ చేస్తున్న టీజర్..

ఇటీవల విడుదలైన అగధ అఫీషియల్ టీజర్ డిజిటల్ ప్లాట్‌ఫామ్స్‌పై సంచలనం సృష్టిస్తోంది. గ్రాండ్ విజువల్స్, ఒళ్ళు గగుర్పొడిచే నేపథ్య సంగీతం, సరికొత్త మిస్టరీ ఎలిమెంట్స్‌తో కూడిన ఈ టీజర్ ప్రేక్షకుల్లో సినిమాపై క్యూరియాసిటీని ఒక్కసారిగా పీక్స్‌కు తీసుకెళ్లింది. ఇప్పటికే ఈ టీజర్ 14 మిలియన్లకు పైగా వ్యూస్ సాధించి సోషల్ మీడియాలో ట్రెండింగ్‌లో నిలవడం విశేషం.

ఇది నా డ్రీమ్ ప్రాజెక్ట్.. దర్శకుడు ఎం.ఎస్. రాజు

ఈ సందర్భంగా దర్శకుడు ఎం.ఎస్. రాజు మాట్లాడుతూ ఈ సినిమాపై తనకున్న నమ్మకాన్ని వ్యక్తం చేశారు. అగధ నా కలల ప్రాజెక్ట్. టీజర్‌లో మేము చూపించింది కేవలం ఒక శాంపిల్ మాత్రమే. అసలు సినిమాలో ప్రేక్షకులను థ్రిల్ చేసే, ఆశ్చర్యపరిచే ఎన్నో అంశాలు ఉన్నాయి. ప్రతి ఫ్రేమ్‌ను ఒక విజువల్ వండర్‌లా మలిచాం. మైథాలజీ, మిస్టరీ, థ్రిల్లింగ్ ఎలిమెంట్స్‌తో పాటు బలమైన భావోద్వేగాలను జోడించి ఈ చిత్రాన్ని ఒక ఎమోషనల్ రోలర్ కోస్టర్ రైడ్‌లా సిద్ధం చేశాం."

చిత్రబృందం ఏమందంటే?

నిర్మాత కాశీ విశాలాక్షి:

అత్యున్నత సాంకేతిక ప్రమాణాలతో ఎక్కడా రాజీ పడకుండా ఈ సినిమాను నిర్మించామని, టీజర్‌కు వచ్చిన రెస్పాన్స్ తమలో మరింత ఉత్సాహాన్ని నింపిందని తెలిపారు. డర్టీ హరి వంటి సూపర్ హిట్ తర్వాత మళ్లీ ఎం.ఎస్. రాజు గారి దర్శకత్వంలో పనిచేయడం చాలా సంతోషంగా ఉందని పేర్కొన్నారు. ఈ చిత్రంలో తను పోషించిన మహాదేవి పాత్ర తన సినీ కెరీర్‌లోనే ఎప్పటికీ గుర్తుండిపోయేలా ఉంటుందని ధీమా వ్యక్తం చేశారు.

నటీనటులు - సాంకేతిక నిపుణులు

ఈ మిస్టరీ థ్రిల్లర్‌లో శ్రవణ్ రెడ్డి, కామాక్షి భాస్కర్ల, ఉల్కా గుప్తా, జోవికా విజయ్ కుమార్, సిజ్జు తదితరులు ముఖ్య పాత్రల్లో నటించారు. ఈ విజువల్ వండర్‌కు రాకేష్ వెంకటాపురం సంగీతం అందించగా, నాని చమిడిశెట్టి సినిమాటోగ్రాఫర్‌గా వ్యవహరించారు. ఆగస్ట్ 14న థియేటర్లలో ఈ చిత్రం ఎలాంటి మ్యాజిక్ క్రియేట్ చేస్తుందో చూడాలి..