Ravi Teja’s Bhartha Mahashayulaku Vignapti: రవితేజ 'భర్త మహాశయులకు విజ్ఞప్తి' సెన్సార్ అప్‌డేట్

Ravi Teja’s Bhartha Mahashayulaku Vignapti: డైరెక్టర్ కిషోర్ తిరుమల దర్శకత్వంలో రవితేజ హీరోగా వస్తున్న క్రేజీ మూవీ 'భర్త మహాశయులకు విజ్ఞప్తి' (#BMW) సెన్సార్ బోర్డు నుండి గ్రీన్ సిగ్నల్ అందుకుంది. సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) ఈ చిత్రానికి 'U/A' సర్టిఫికేట్ జారీ చేసింది. సంక్రాంతి కానుకగా జనవరి 13, 2026న ఈ చిత్రం ప్రపంచవ్యాప్తంగా గ్రాండ్‌గా విడుదల కానుంది. ఈ సినిమా నిడివిని 2 గంటల 10 నిమిషాలుగా లాక్ చేశారు. నేటి కాలంలో ఒక పెద్ద సినిమాకు ఇది చాలా క్రిస్ప్, పర్ఫెక్ట్ రన్‌టైమ్ అని చెప్పవచ్చు. ఎస్.ఎల్.వి సినిమాస్ బ్యానర్‌పై సుధాకర్ చెరుకూరి ఈ చిత్రాన్ని నిర్మించగా, జీ స్టూడియోస్ సమర్పిస్తోంది. ఆషికా రంగనాథ్, డింపుల్ హయాతీ హీరోయిన్లుగా నటిస్తున్నారు. డింపుల్ హయాతీ ఈ చిత్రంలో 'బాలమణి' అనే ఆసక్తికరమైన పాత్రలో అలరించనుంది. రవితేజతో పాటు సునీల్, సత్య, వెన్నెల కిషోర్, సుభలేఖ సుధాకర్, మురళీధర్ గౌడ్ వంటి భారీ కామెడీ బలగం ఈ సినిమాలో ఉంది. ఈ చిత్రానికి భీమ్స్ సిసిరోలియో సంగీతాన్ని అందించగా, ప్రసాద్ మూరెళ్ల సినిమాటోగ్రఫీ బాధ్యతలు నిర్వహించారు. నేషనల్ అవార్డ్ విన్నర్ శ్రీకర్ ప్రసాద్ ఎడిటర్‌గా, ఎ.ఎస్. ప్రకాష్ ఆర్ట్ డైరెక్టర్‌గా పనిచేశారు. సంక్రాంతి రేసులో పూర్తిస్థాయి ఫ్యామిలీ, యాక్షన్ కామెడీ ఎంటర్‌టైనర్‌గా వస్తున్న ఈ సినిమాపై ప్రేక్షకుల్లో భారీ అంచనాలు ఉన్నాయి. ఇప్పటికే విడుదలైన టీజర్, ట్రైలర్, 'బెల్లా బెల్లా' వంటి సాంగ్స్ సోషల్ మీడియాలో వైరల్ అవుతున్నాయి.