ఏపీ మెగా డీఎస్సీ ఫైనల్ కీ విడుదల!

ఏపీ మెగా డీఎస్సీ పరీక్షలకు సంబంధించిన ఫైనల్ కీ అధికారులు విడుదల చేశారు. ఈ మేరకు డీఎస్సీ కన్వీనర్ ఎం.వి. కృష్ణారెడ్డి, అధికారికంగా వెల్లడించారు. అభ్యర్థులు https://apdsc.apcfss.in వెబ్‌సైట్‌కి వెళ్లి తమ హాల్ టికెట్ నంబర్‌తో లాగిన్ అయ్యి కీని డౌన్‌లోడ్ చేసుకోవచ్చు.

ప్రిలిమినరీ కీ విడుదలైన తర్వాత, అభ్యర్థుల నుండి వచ్చిన అభ్యంతరాలను అధికారులు పరిశీలించి, విషయ నిపుణుల బృందం ఈ అభ్యంతరాలను క్షుణ్ణంగా పరిశీలించి తుది కీ " రూపొందించినట్లు మెగా డీఎస్సీ కన్వీనర్ తెలిపారు.

మెగా డీఎస్సీ నోటిఫికేషన్ కూటమి ప్రభుత్వం అధికారంలోకి వచ్చాక విడుదల కాగా, మొత్తం 16,347 పోస్టుల భర్తీకి పరీక్షలు నిర్వహించారు. మొత్తం 3,36,307 మంది దరఖాస్తు చేసుకోగా, 92.90% మంది పరీక్షలకు హాజరయ్యారు. జూన్ 6 నుంచి జూలై 2 వరకు 23 రోజులు పాటు రెండు సెషన్లలో పరీక్షలు జరిగాయి.