Education: మాతృభాషలో విద్య అర్థవంతమైన అభివృద్ధికి అవసరం

Education:మాతృభాష అంటే మనకు తల్లి లాంటి భాష. చిన్నప్పటినుండి మనం విని మాట్లాడి అర్థం చేసుకున్న భాషే మాతృభాష. ఈ భాషలోనే విద్యను అందించడం ద్వారా విద్యార్థులలో అర్థవంతమైన అవగాహన ఏర్పడుతుంది. మాతృభాషలో చదువు పొందిన విద్యార్థి భావనను లోతుగా గ్రహించగలరు.

ప్రపంచంలోని అనేక దేశాలు ప్రాథమిక విద్యను మాతృభాషలోనే బోధిస్తున్నాయి. ఫిన్లాండ్,జపాన్,కొరియా వంటి దేశాలు తమ జాతీయ భాషలలోనే విద్యను అందించి విజయం సాధిస్తున్నాయి. మనదేశంలో కూడా మాతృభాష ద్వారా విద్యను అందించే ప్రయత్నాలు జరుగుతున్నాయి.

తెలుగు భాషలో విద్య పొందితే విద్యార్థికి భావ ప్రకటన సులభం అవుతుంది. ఉదాహరణలు,ప్రయోగాలు,సమస్యలు మన ప్రాంతీయ సాంస్కృతిక నేపథ్యానికి దగ్గరగా ఉంటాయి. దీనివల్ల విద్య అర్థవంతంగా మారుతుంది.

ఆంగ్ల మాధ్యమంలో చదువుతున్న విద్యార్థులకు కొన్ని సందర్భాలలో అర్థం చేసుకోవడం కష్టంగా మారుతుంది. కానీ మాతృభాషలో చదువుతో భావన స్వభావికంగా చేరుతుంది. ఇది విద్యార్థులు ఆత్మవిశ్వాసాన్ని పెంచుతుంది.

అలాగే మాతృభాషపై గౌరవం,ప్రేమ పెరుగుతుంది. ఇది భాషను సంరక్షించడంలో ఒక ముఖ్యమైన భాగంగా ఉంటుంది. మాతృభాషలో బలమైన విద్యాపునాది ఏర్పడితే విద్యార్థి ప్రపంచ భాషలు,విజ్ఞానాన్ని సులభంగా నేర్చుకోగలడు.

కావున ప్రభుత్వం మరియు విద్యా సంస్థలు మాతృభాషలో విద్యను ప్రోత్సహించాలి. ఇది విద్యార్థుల భవిష్యత్తును మాత్రమే కాదు,భాష సంరక్షణకు కూడా భరోసా ఇస్తుంది.

Education, Digital platforms, online learning, Career Guidance, Educational Institutions, Career Counselling