Bloating and Gas Problems: కడుపు ఉబ్బరం, గ్యాస్ సమస్యలకు ఆహారమే కాదు.. మీలోని ఈ చిన్న అలవాట్లు కూడా కారణమే..

Bloating and Gas Problems: ప్రస్తుత కాలంలో వయసుతో సంబంధం లేకుండా చాలామందిని వేధిస్తున్న ప్రధాన ఆరోగ్య సమస్యల్లో కడుపులో గ్యాస్, ఉబ్బరం, అజీర్ణం ముఖ్యం. సాధారణంగా మనం తినే తిండి వల్లే ఈ సమస్య వస్తుందని అందరూ భావిస్తారు. కానీ, మన రోజువారీ జీవనశైలిలోని కొన్ని చెడు అలవాట్లు కూడా దీనికి ప్రధాన కారణమని ఆరోగ్య నిపుణులు హెచ్చరిస్తున్నారు. అనారోగ్యకరమైన జీవనశైలి జీర్ణవ్యవస్థను ఎంతగా దెబ్బతీస్తుందో వైద్య నిపుణులు వివరించారు.

గ్యాస్ సమస్యలకు దారితీసే ఆ చెడు అలవాట్లు ఇవే..

మనకు తెలియకుండానే మనం చేసే కొన్ని పొరపాట్లు జీర్ణక్రియను మందగింపజేస్తాయి..

వేగంగా తినడం:

ఆహారాన్ని సరిగ్గా నమలకుండా గబగబా మింగేయడం వల్ల జీర్ణక్రియపై భారం పడుతుంది.

సమయపాలన లేకపోవడం:

రోజూ ఒకే సమయానికి భోజనం చేయకపోవడం మరియు రెండు పూటల భోజనానికి మధ్య చాలా ఎక్కువ గ్యాప్ ఇవ్వడం.

జంక్ ఫుడ్స్ వాడకం:

ఫాస్ట్ ఫుడ్, మైదాతో చేసిన పదార్థాలు, అధిక మసాలాలు మరియు నూనె వంటకాలు ఎక్కువగా తినడం.

గట్ హెల్త్ పాడవడం:

మన కడుపులో ఉండే మంచి, చెడు బ్యాక్టీరియా సమతుల్యత దెబ్బతినడాన్ని "ఇంటెస్టినల్ డైస్బయోసిస్" అంటారు. ఈ గట్ మైక్రోబయోమ్ సమతుల్యత కోల్పోయినప్పుడు గ్యాస్, తీవ్రమైన ఉబ్బరం ఏర్పడుతుంది.

ఈ లక్షణాలు ఉంటే అస్సలు నిర్లక్ష్యం చేయవద్దు..

సాధారణంగా గ్యాస్ వస్తే చాలామంది లైట్ తీసుకుంటారు. కానీ గ్యాస్‌తో పాటు ఈ క్రింది లక్షణాలు కనిపిస్తే వెంటనే డాక్టర్‌ను సంప్రదించాలి..

కడుపులో నిరంతరాయంగా నొప్పులు రావడం.

పొట్ట విపరీతంగా ఉబ్బిపోయి, అసౌకర్యంగా అనిపించడం.

కారణం లేకుండా హఠాత్తుగా బరువు తగ్గిపోవడం.

తరచూ వాంతులు కావడం లేదా మలవిసర్జన అలవాట్లలో మార్పులు రావడం.

గ్యాస్, కడుపు ఉబ్బరం నుండి ఉపశమనం పొందే మార్గాలు..

బాగా నమిలి తినండి:

భోజనాన్ని ఎప్పుడూ ప్రశాంతంగా, బాగా నమిలి మింగాలి. దీనివల్ల లాలాజలం ఆహారంతో కలిసి సులభంగా జీర్ణమవుతుంది.

సమతుల్య ఆహారం:

మీ డైట్‌లో పండ్లు, ఆకుకూరలు, మరియు పీచుపదార్థాలు ఎక్కువగా ఉండేలా చూసుకోండి.

పుష్కలంగా నీరు:

రోజంతా శరీరానికి సరిపడా నీరు త్రాగడం వల్ల జీర్ణక్రియ సజావుగా సాగుతుంది.

శారీరక శ్రమ:

ప్రతిరోజూ క్రమం తప్పకుండా కాసేపు వ్యాయామం లేదా వాకింగ్ చేయడం వల్ల గ్యాస్ సమస్యలు దరిచేరవు. జంక్ ఫుడ్, మసాలా పదార్థాలను వీలైనంత వరకు తగ్గించండి.