Contamination of Mother's Milk: తల్లిపాలు విషతుల్యం..కారణాలేంటి.?

Contamination of Mother's Milk: ఇటీవలి పరిశోధనలు, అధ్యయనాల ప్రకారం, పారిశ్రామికీకరణ, పర్యావరణ కాలుష్యం కారణంగా తల్లి పాలపై విషతుల్య ప్రభావం పెరుగుతోందనే ఆందోళనలు మొదలయ్యాయి.

తల్లి పాలలో సాధారణంగా ఉండకూడని, కానీ కాలుష్యం కారణంగా చేరుతున్న కొన్ని హానికరమైన పదార్థాలు, వాటి ప్రభావం గురించి తెలుసుకుందాం.ప్రధానంగా కాలుష్యం, ఆహారం, సౌందర్య సాధనాలు ,ప్లాస్టిక్ వినియోగం ద్వారా ఈ రసాయనాలు తల్లి శరీరంలోకి ప్రవేశించి, కొవ్వు కణజాలంలో నిల్వ అయ్యి, పాల ద్వారా శిశువుకు చేరుతాయి.

ప్రపంచవ్యాప్తంగా అనేక అధ్యయనాలు తల్లి పాలలో ఈ కాలుష్యాల ఉనికిని ధృవీకరించాయి. శిశువుకు జన్మించిన తర్వాత మొదటి సంవత్సరంలో వేగంగా పెరిగే మెదడు, అవయవాలపై ఈ రసాయనాల ప్రభావం ఎక్కువగా ఉంటుందని నిపుణులు ఆందోళన వ్యక్తం చేస్తున్నారు.

తల్లి పాలలో విషతుల్య పదార్థాలు

నిరంతర కాలుష్యాలు: PFOA, PFOS (Perfluoroalkyl substances - PFAS) నాన్‌స్టిక్ వంటసామగ్రి, నీటి నిరోధక దుస్తులుు ప్యాకేజింగ్ తో ఏర్పడతాయి. దీని వల్ల రోగనిరోధక వ్యవస్థ దెబ్బతినడం, థైరాయిడ్ సమస్యలు, పెరుగుదల ఆలస్యం వంటి సమస్యలు వస్తాయి

భారీ లోహాలు సీసం (Lead), ఆర్సెనిక్ (Arsenic), కాడ్మియం (Cadmium): కలుషితమైన ఆహారం, నీరు, పాత పెయింట్లు వల్ల వస్తాయి. దీంతో మెదడు నాడీ వ్యవస్థ అభివృద్ధిపై ప్రభావం చూపుతుంది

పురుగుమందులు: DDT, PCBs (Polychlorinated biphenyls) రసాయనాలు వ్యవసాయ ఉత్పత్తులు, పారిశ్రామిక వ్యర్థాల వల్ల ఎండోక్రైన్ (హార్మోన్) వ్యవస్థకు ఆటంకం, క్యాన్సర్ ముప్పు

ప్లాస్టిక్ రసాయనాలు: బిస్ఫినాల్ A (BPA), థాలేట్స్ (Phthalates) ప్లాస్టిక్ డబ్బాలు, ఆహార ప్యాకేజింగ్, సౌందర్య సాధనాల వల్ల వస్తాయి. దీని వల్ల హార్మోన్ల అసమతుల్యత, పునరుత్పత్తి సమస్యలు వస్తాయి

పరిష్కారం ఏమిటి?

తల్లి పాలు విషతుల్యమవుతున్నప్పటికీ, నిపుణులందరూ శిశువుకు తల్లి పాలు ఇవ్వడం వల్ల కలిగే ప్రయోజనాలే ఎక్కువని నొక్కి చెబుతున్నారు. తల్లి పాలలోని పోషకాలు, యాంటీబాడీలు, శిశువుతో తల్లి బంధం (Bonding) కలిగించే లాభాలు ఈ స్వల్ప ప్రమాదం కంటే చాలా ఎక్కువ.

తల్లి ఈ విషతుల్యతను తగ్గించడానికి తీసుకోవాల్సిన చర్యలు:

సేంద్రీయ (Organic) ఆహారం: పురుగుమందులు లేని ఆహారాన్ని తీసుకోవడం.

ప్లాస్టిక్ తగ్గించడం: ప్లాస్టిక్ డబ్బాలు లేదా మైక్రోవేవ్‌లో ప్లాస్టిక్ వాడకాన్ని తగ్గించడం.

చేపల ఎంపిక: పాదరసం (Mercury) ఎక్కువగా ఉండే పెద్ద చేపలకు (షార్క్, సాల్మన్, ట్యూనా) దూరంగా ఉండటం.

కాలుష్యం నుంచి దూరం: కాలుష్య వాతావరణంలో ఉండకుండా జాగ్రత్తలు తీసుకోవడం.

తల్లి పాలు శిశువుకు అత్యుత్తమ ఆహారం. ఈ కాలుష్యాలు కేవలం ఆందోళన కోసం మాత్రమే, తల్లిపాలు ఇవ్వడాన్ని ఆపడానికి కాదు.