Kidney Stones: విటమిన్ సి సప్లిమెంట్లతో కిడ్నీలో రాళ్లు..

Kidney Stones: ఆరోగ్యకరమైన శరీరానికి, ముఖ్యంగా రోగనిరోధక శక్తిని బలోపేతం చేయడానికి విటమిన్ సి అత్యంత అవసరం. అయితే మరేదైనా పోషకం మాదిరిగానే, విటమిన్ సి సప్లిమెంట్లను అధికంగా వాడటం వల్ల తీవ్రమైన ఆరోగ్య సమస్యలు తలెత్తే ప్రమాదం ఉందని ఆరోగ్య నిపుణులు హెచ్చరిస్తున్నారు. మూత్రపిండాల్లో రాళ్లు ఏర్పడే ప్రమాదాన్ని పెంచుతుందని హైలైట్ చేశారు.

విటమిన్ సి – కిడ్నీ రాళ్ల మధ్య సంబంధం

విటమిన్ సి అధికంగా తీసుకున్నప్పుడు, అది శరీరంలో ఆక్సలేట్‌గా విచ్ఛిన్నమవుతుంది. ఈ ఆక్సలేట్ మూత్రంలో దాని మొత్తాన్ని పెంచుతుంది. మూత్రంలోని ఆక్సలేట్, కాల్షియంతో కలిసినప్పుడు, కాల్షియం ఆక్సలేట్ స్ఫటికాలు ఏర్పడతాయి. ఇవే మూత్రపిండాల్లో రాళ్లుగా మారతాయి. విటమిన్ సి అధికంగా తీసుకుంటే రోగనిరోధక శక్తి బలహీనపడటంతో పాటు కిడ్నీల్లో రాళ్లు ఏర్పడటం ద్వారా పెద్ద ఆరోగ్య సమస్యలు వస్తాయని ఆయన హెచ్చరించారు.

ప్రమాదం ఎవరికి ఎక్కువ?

ఈ ప్రమాదం సాధారణంగా పురుషులు, మూత్రపిండాల పనితీరు బలహీనంగా ఉన్నవారిలో ఎక్కువగా ఉంటుందని డాక్టర్తు తెలిపారు. అయితే సహజమైన ఆహారాల కంటే కృత్రిమ విటమిన్ సి సప్లిమెంట్లను అధికంగా వాడటం వల్ల మాత్రమే మూత్రపిండాల్లో రాళ్లు వచ్చే ప్రమాదం పెరుగుతుందని అధ్యయనాలు సూచిస్తున్నాయని ఆయన స్పష్టం చేశారు.

సిఫార్సు చేయబడిన మోతాదు

ఆహారం ద్వారా విటమిన్ సి పొందాలని డాక్టర్ సూద్ సూచించారు:

రోజువారీ అవసరం: మనం సిట్రస్ పండ్లు, బెర్రీలు, క్రూసిఫెరస్ కూరగాయలు వంటి సహజ ఆహారాల నుండి రోజుకు 75 నుండి 90 మిల్లీగ్రాముల విటమిన్ సి పొందవచ్చు. రోజుకు 1,000 మిల్లీగ్రాములు లేదా అంతకంటే ఎక్కువ విటమిన్ సి సప్లిమెంట్లను తీసుకోకూడదని ఆయన గట్టిగా హెచ్చరించారు. సహజమైన ఆహారాల ద్వారా తగినంత విటమిన్ సి తీసుకోవడం వల్ల కిడ్నీలో రాళ్ల ప్రమాదం పెరగకుండానే రోగనిరోధక శక్తిని పెంపొందించుకోవచ్చు.