Pakistan Defence Minister Khawaja Asif Makes Controversial Remarks: పాకిస్థాన్: భారత్, అఫ్గాన్‌తో ద్విముఖ యుద్ధానికి సిద్ధమంటున్న పాక్ రక్షణ మంత్రి ఖ్వాజా ఆసిఫ్ వివాదాస్పద వ్యాఖ్యలు

Pakistan Defence Minister Khawaja Asif Makes Controversial Remarks: పాకిస్థాన్ మరోసారి భారత్‌పై విషపూరిత వ్యాఖ్యలు చేసింది. అఫ్గానిస్థాన్ భారత్‌తో సన్నిహిత సంబంధాలు పెంచుకోవడాన్ని జీర్ణించుకోలేకపోతోంది. సరిహద్దుల్లో భారత్ అనుచిత కార్యకలాపాలకు పాల్పడే అవకాశం ఉందంటూ పాక్ రక్షణ మంత్రి ఖ్వాజా ఆసిఫ్ అసంబద్ధ వ్యాఖ్యలు చేశారు (Pakistan-Afghanistan Relations).

తాలిబన్‌తో సరిహద్దు వివాదాలు (Taliban Border Tensions) ఉద్రిక్తంగా మారిన సమయంలో ఖ్వాజా ఆసిఫ్ ఒక టీవీ ఇంటర్వ్యూలో మాట్లాడుతూ, భారత్‌తో కూడా సరిహద్దు ఘర్షణలు తీవ్రమైతే ఏమిటనే ప్రశ్నకు సమాధానమిచ్చారు. "అవును, అలాంటి సందర్భాన్ని తీసివేయలేము. పాకిస్థాన్ రెండు దేశాలతో యుద్ధానికి సంసిద్ధంగా ఉంది. అందుకు తగిన వ్యూహాలు మా వద్ద ఉన్నాయి. వాటి గురించి వివరించను" అని అన్నారు. అదే సమయంలో భారత్‌పై ఆరోపణలు గుప్పించారు. అంతేకాకుండా, పాకిస్థాన్‌లో నివసిస్తున్న అఫ్గాన్ శరణార్థులను కూడా లక్ష్యంగా చేసుకున్నారు. "వారు మాకు ఎలాంటి ప్రయోజనం చేకూర్చకపోగా, ఉగ్రవాద కార్యకలాపాలకు పాల్పడుతున్నారు. అక్రమంగా ఉంటున్న వారిని గుర్తిస్తున్నాం. వారు త్వరలోనే మా దేశాన్ని వదిలి వెళ్లాలి" అని వ్యాఖ్యానించారు.

పాకిస్థాన్-అఫ్గానిస్థాన్ సరిహద్దుల్లో ఇరు దేశాల సైనికులు పలు ప్రాంతాల్లో పరస్పర దాడులకు దిగిన విషయం తెలిసిందే. దీంతో ఇరువైపులా ప్రాణనష్టం జరిగింది. పాక్‌పై దాడులు మొదలైన సమయంలో అఫ్గాన్ విదేశాంగ మంత్రి దిల్లీలో ఉన్నారని, భారత్ సూచనల మేరకే ఈ దాడులు జరిగాయని పాక్ ఆరోపిస్తోంది. అఫ్గానిస్థాన్ భారత్ తరఫున పాక్‌పై పరోక్ష యుద్ధం చేస్తోందంటూ ఖ్వాజా ఆసిఫ్ ఆరోపణలు చేశారు. ఈ వ్యాఖ్యలకు భారత్ తీవ్రంగా స్పందించింది. "పాకిస్థాన్ ఉగ్రవాద సంస్థలకు ఆశ్రయం ఇస్తూ వారి చర్యలను ప్రోత్సహిస్తోంది. తన అంతర్గత సమస్యలకు పొరుగు దేశాలను నిందించడం పాక్‌కు అలవాటు. అఫ్గానిస్థాన్ తన భూభాగంపై స్వాధీనత చెలాయించడం పాక్‌కు ఆగ్రహం కలిగిస్తోంది" అని భారత విదేశాంగ మంత్రిత్వ శాఖ తీవ్రంగా విమర్శించింది.