Massive Fire at Delhi MPs’ Flats: ఢిల్లీ ఎంపీల ఫ్లాట్లలో భారీ అగ్నిప్రమాదం: ఎగిసిన మంటలు

Massive Fire at Delhi MPs’ Flats: రాజధాని ఢిల్లీలో ఎంపీలకు ప్రత్యేకంగా కేటాయించిన ఫ్లాట్ల సముదాయంలో భారీ అగ్నిప్రమాదం సంభవించింది. బ్రహ్మపుత్ర భవనంలోని ఈ అపార్ట్‌మెంట్లలో మంటలు వేగంగా వ్యాపించడంతో దట్టమైన పొగలు ఆకాశాన్ని కమ్మేశాయి. ఈ ఘటనకు కారణాలు ఇంకా తెలియరాలేదు. స్థానికులు భయాందోళనకు గురవుతున్నారు.

ఢిల్లీ ఫైర్ సర్వీసెస్ అధికారులు వెంటనే స్పందించి, 15కు పైగా ఫైర్ ఇంజన్లతో మంటల్ని అదుపు చేసే ప్రయత్నాలు చేపట్టారు. రెస్క్యూ ఆపరేషన్లు కొనసాగుతున్నాయి. ప్రాథమిక సమాచారం ప్రకారం, ఈ ప్రమాదంలో ఎవరూ గాయపడలేదు. పొగ విషపూరితమా లేదా అని తనిఖీలు జరుగుతున్నాయి. ఈ భవనంలో లోక్‌సభ, రాజ్యసభ ఎంపీలు చాలామంది నివసిస్తున్నారు కావడంతో, ఘటన రాజకీయ వర్గాల్లో కలకలం రేపింది. ప్రమాద కారణాలపై దర్యాప్తు ముమ్మరంగా సాగుతోంది.