WPL 2026 Schedule Finalized: WPL 2026 షెడ్యూల్ ఖరారు: జనవరి 9న ప్రారంభం.. వేదికలు ఇవే!
జనవరి 9న ప్రారంభం.. వేదికలు ఇవే!
WPL 2026 Schedule Finalized: దేశంలో క్రికెట్ అభిమానులు ఉత్సాహంగా ఎదురుచూస్తున్న మహిళల ప్రీమియర్ లీగ్ 2026 నాలుగో సీజన్ తేదీలను బీసీసీఐ గురువారం ప్రకటించింది. ఈ మెగా టోర్నీ జనవరి 9న ప్రారంభమై, ఫిబ్రవరి 5 వరకు కొనసాగనుంది. ప్రస్తుతం ఢిల్లీలో జరుగుతున్న WPL మెగా వేలం సందర్భంగా లీగ్ ఛైర్మన్ జయేశ్ జార్జ్ ఈ వివరాలను వెల్లడించారు.
వేదికలు & ఫైనల్
ప్రారంభ వేదిక: మహిళల ప్రపంచకప్ ఫైనల్ జరిగిన నవీ ముంబయిలోని డీవై పాటిల్ స్టేడియంలో నాలుగో సీజన్ ప్రారంభ మ్యాచ్ జరగనుంది.
ఫైనల్ వేదిక: టోర్నీ ఫైనల్ మ్యాచ్కు వడోదరలోని బీసీఏ స్టేడియం ఆతిథ్యం ఇవ్వనుంది.
మొత్తం వేదికలు: ఈ సీజన్ మ్యాచ్లు నవీ ముంబయి, వడోదరలో జరగనున్నాయి. అయితే, పూర్తి షెడ్యూల్ ఇంకా విడుదల కావాల్సి ఉంది.
WPL చరిత్రలో ముంబయి ఇండియన్స్ ఆధిపత్యం
గత మూడు సీజన్ల ఫలితాలు గమనిస్తే, ముంబయి ఇండియన్స్ జట్టు ఆధిపత్యం ప్రదర్శించింది. ఇప్పటివరకు జరిగిన మూడు సీజన్లలో ఆ జట్టు రెండుసార్లు విజేతగా నిలిచింది. సెకండ్ సీజన్లో రాయల్ ఛాలెంజర్స్ బెంగళూరు కప్ గెలుచుకుంది.
దీప్తి శర్మకు భారీ ధర
ఇటీవల భారత జట్టు మహిళల వన్డే ప్రపంచ కప్ను గెలుచుకోవడంతో మహిళల క్రికెట్పై అంచనాలు పెరిగాయి. ఆ ప్రపంచకప్ ఫైనల్లో షఫాలీ వర్మ (87), దీప్తి శర్మ (58) కీలక పాత్ర పోషించారు. ఈ నేపథ్యంలోనే జరుగుతున్న మెగా వేలంలో దీప్తి శర్మను యూపీ వారియర్స్ జట్టు రూ. 3.20 కోట్లు వెచ్చించి కొనుగోలు చేసింది.