I&PR Department: తెలంగాణ సమాచార ప్రజా సంబంధాల ప్రత్యేక కమిషనర్ గా ప్రియాంక బాధ్యతల స్వీకారం

I&PR Department: తెలంగాణ ఐ అండ్ పిఆర్ స్పెషల్ కమిషనర్ గా సి.హెచ్. ప్రియాంకా బాధ్యతలు స్వీకరించారు. సోమవారం సచివాలయంలో ఇప్పటిదాకా సమాచార ప్రసారశాఖ స్పెషల్ కమీషనర్ గా ఉన్న డా. హరీష్ నుండి ప్రభుత్వ సమాచార, పౌర సంబంధాల శాఖ స్పెషల్ సెక్రటరీగా, సమాచార శాఖ స్పెషల్ కమీషనర్ భాద్యతల తోపాటు తెలంగాణా ఫిలిం డెవలప్మెంట్ కార్పొరేషన్ ఎండీగా ప్రియాంక భాద్యతలను స్వీకరించారు. డా. హరీష్ ను తెలంగాణ జెన్ కో ఎండీగా ప్రభుత్వం బదిలీ చేసింది. అదే సమయంలో రాష్ట్ర మున్సిపల్ పరిపాలన, పట్టణాభివృద్ధిశాఖ డిప్యూటీ సెక్రటరీగా ఉన్న సి. హెచ్. ప్రియాంకను సమాచార శాఖ స్పెషల్ కమీషనర్ గా నియమిస్తూ ఉత్తర్వులు జారీచేసింది.

సమాచార శాఖ, ఫిలిం డెవలప్మెంట్ కార్పొరేషన్, మీడియా అకాడమీ అధికారులు నూతనంగా సమాచార ప్రసారశాఖ ప్రత్యేక కమిషనర్గా బాధ్యతలు స్వీకరించిన ప్రియాంక కు అభినందనలు తెలిపారు. అదేవిధంగా జెన్కో ఎం.డి గా వెళ్లిన డా. హరీష్ కు ఘనంగా వీడ్కోలు పలికారు. బాధ్యతలు స్వీకరించిన అనంతరం సమాచారశాఖ కార్యక్రమాలు, పనితీరుపై అధికారులతోనూతన కమిషనర్ ప్రియాంక సమీక్షించారు