Minister Nara Lokesh: అమరావతి తీర్మానానికి వైకాపా దూరం: ప్రజలు జగన్కు చూపిన ‘బ్లాక్బస్టర్’ సినిమా సరిపోలేదేమో!- మంత్రి నారా లోకేశ్
ప్రజలు జగన్కు చూపిన ‘బ్లాక్బస్టర్’ సినిమా సరిపోలేదేమో! - మంత్రి నారా లోకేశ్
Minister Nara Lokesh: రాజధాని అమరావతికి చట్టబద్ధత కల్పించే తీర్మానం మీద అసెంబ్లీలో ప్రత్యేక సమావేశం ఏర్పాటు చేసినప్పుడు వైకాపా సభ్యులు హాజరు కాలేదని మంత్రి నారా లోకేశ్ విమర్శించారు. ఆ పార్టీ ఎమ్మెల్యేల చిత్తశుద్ధి ఏమిటో వారి వైఖరి ద్వారా స్పష్టంగా తెలుస్తోందని అన్నారు.
అసెంబ్లీలో అమరావతి తీర్మానం ప్రవేశపెట్టిన సందర్భంగా మంత్రి లోకేశ్ మాట్లాడుతూ, “పాదయాత్రతో చంద్రబాబుకు సినిమా చూపిస్తానని జగన్ అంటున్నారు. కానీ ప్రజలు జగన్కు చూపించిన బ్లాక్బస్టర్ సినిమా సరిపోలేదేమో. జగన్ చూపిస్తానంటున్న సినిమా 11 రోజులు కూడా ఆడదు” అని వ్యాఖ్యానించారు.
అమరావతి తీర్మానాన్ని రాష్ట్ర ప్రజలంతా హర్షిస్తున్నారని, మరోసారి తుగ్లక్ చర్యలు చూసేందుకు సిద్ధంగా లేరని లోకేశ్ స్పష్టం చేశారు. “ఈ తీర్మానాన్ని ఏప్రిల్ 2న పార్లమెంటులో పెట్టే అవకాశం ఉంది. అక్కడైనా వైకాపా తన వైఖరి చెబుతుందో లేదో చూడాలి” అని ప్రశ్నించారు.
ఈ వ్యాఖ్యలు రాజకీయ వర్గాల్లో చర్చనీయాంశమయ్యాయి. అమరావతి రాజధాని అంశంపై తెదేపా ప్రభుత్వం చేపట్టిన చర్యలకు వైకాపా వ్యతిరేకత కొనసాగుతోందని లోకేశ్ ఆరోపణలు రాజకీయ ఉత్కంఠను పెంచాయి.