Bajaj Platina : రోజూ 1000మంది కొంటున్నారు.. ఫుల్ ట్యాంక్ చేస్తే 700కిమీ వెళ్లే బైక్ కేవలం రూ.68వేలే

Bajaj Platina : భారత మార్కెట్లో బజాజ్ ప్లాటినా అంటే తెలియని వాళ్లు ఉండరు. తక్కువ ధరలో మంచి మైలేజ్ ఇచ్చే బైక్‌లలో ఇది చాలా పాపులర్. ముఖ్యంగా, తక్కువ ఖర్చులో ఎక్కువ దూరం ప్రయాణించాలనుకునే వారికి ప్లాటినా ఒక బెస్ట్ ఆప్షన్ అని చెప్పొచ్చు. మీరు కూడా ఈ బైక్ కొనాలని ఆలోచిస్తున్నారా? అయితే, ప్లాటినాలో ఏమేం ప్రత్యేకతలు ఉన్నాయో వివరంగా తెలుసుకుందాం.

2025 మే నెలలో బజాజ్ ప్లాటినా మొత్తం 27,919 యూనిట్లు అమ్ముడయ్యాయి. పోయిన సంవత్సరం మే నెలలో 30,239 యూనిట్లు అమ్ముడయ్యాయి. దానితో పోలిస్తే, ఈసారి అమ్మకాలు సుమారు 7% తగ్గినప్పటికీ, ఇప్పటికీ ఈ బైక్ రోజుకు దాదాపు 800 నుంచి 1000 మందికి మొదటి ఛాయిస్‌గా ఉంటోంది. అంటే, దాని పాపులారిటీ తగ్గలేదని చెప్పొచ్చు. మార్కెట్లో దీనికి హీరో స్ప్లెండర్, హోండా షైన్ లాంటి బైక్‌ల నుంచి గట్టి పోటీ ఉంది.

ప్లాటినా 100 మోడల్ ఎక్స్-షోరూమ్ ధర సుమారు రూ.68,262. ప్లాటినా 110 వేరియంట్ ధర రూ.71,558 నుంచి మొదలవుతుంది. కానీ, ఆన్-రోడ్ ధరలు మాత్రం మీరు ఉండే సిటీని బట్టి, అక్కడ ఉండే ట్యాక్స్‌లను బట్టి మారతాయి. ప్లాటినా 100 లో 102సీసీ, 4-స్ట్రోక్, సింగిల్-సిలిండర్, ఎయిర్-కూల్డ్ DTS-i ఇంజిన్ ఉంటుంది. ఇది 7.9 పీఎస్ పవర్, 8.3 ఎన్ఎమ్ టార్క్ ఇస్తుంది. ఈ బైక్‌లో 4-స్పీడ్ మ్యానువల్ గేర్‌బాక్స్ ఉంది. దీని టాప్ స్పీడ్ గంటకు 90 కిలోమీటర్లు.

ప్లాటినా 100 తన అద్భుతమైన మైలేజ్‌కి చాలా ఫేమస్. కంపెనీ చెప్పిన దాని ప్రకారం, ఈ బైక్ లీటర్‌కు 70 కిలోమీటర్ల వరకు మైలేజ్ ఇస్తుంది. దీని ఫ్యూయల్ ట్యాంక్ కెపాసిటీ 11 లీటర్లు. అంటే, ఒకసారి ఫుల్ ట్యాంక్ చేస్తే 700 కిలోమీటర్ల కంటే ఎక్కువ దూరం వెళ్లొచ్చు.

ప్లాటినాలో ఎల్‌ఈడీ డీఆర్‌ఎల్, పొడవైన, సౌకర్యవంతమైన సీటు, టెలిస్కోపిక్ ఫ్రంట్ ఫోర్క్, వెనుకవైపు డ్యూయల్ షాక్ అబ్జార్బర్‌లు లాంటి ఆధునిక ఫీచర్లు ఉన్నాయి. దీనిలోని DTS-i టెక్నాలజీ వల్ల మైలేజ్, పనితీరు రెండూ అద్భుతంగా ఉంటాయి. తక్కువ ఖర్చుతో, స్టైలిష్‌గా, తక్కువ మెయింటెనెన్స్ ఉండే బైక్ కావాలనుకునే వారికి బజాజ్ ప్లాటినా ఒక మంచి ఎంపిక. ముఖ్యంగా సిటీ రోడ్లపై ప్రయాణించడానికి ఇది చాలా బాగుంటుంది.