Jeep : రూ.80 లక్షల ఎస్‌యూవీలో లోపం.. 80వేల కార్లను రీకాల్ చేసిన కంపెనీ

Jeep: భారతదేశంలో పవర్ఫుల్ ఎస్‌యూవీలను విక్రయించే ప్రముఖ కంపెనీ జీప్, అమెరికాలో 80,000 రాంగ్లర్ ఎస్‌యూవీలను రికాల్ చేసింది. మీడియా నివేదికల ప్రకారం.. ఈ రాంగ్లర్ మోడళ్లలో టైర్ ప్రెషర్ మానిటరింగ్ సిస్టమ్ లోపం ఉన్నట్లు గుర్తించింది. ఈ సమస్యను సరిచేయడానికి వాటిని వెనక్కి పిలుస్తున్నారు. ఈ కార్లలో అమర్చిన ఒక కేబుల్ పాడైపోయి, దాని వల్ల టైర్ ప్రెషర్ మానిటరింగ్ సిస్టమ్ పనిచేయడం లేదని కంపెనీ తెలిపింది. ఈ లోపం అసెంబ్లీ సమయంలో జరిగిందని జీప్ గుర్తించింది. అవసరమైతే, కస్టమర్ల నుండి ఎటువంటి ఛార్జీలు తీసుకోకుండా కేబుల్‌ను ఉచితంగా మారుస్తారు.

అమెరికా నేషనల్ హైవే ట్రాఫిక్ సేఫ్టీ అడ్మినిస్ట్రేషన్ గతేడాది అక్టోబర్‌లో ఈ సమస్యపై విచారణ ప్రారంభించింది. ఎందుకంటే, కొన్ని జీప్ రాంగ్లర్ కార్లలో టైర్ ప్రెషర్ వార్నింగ్ లైట్లు ఎందుకు వెలుగుతున్నాయో తెలుసుకోవడానికి ఇది ప్రారంభమైంది. చాలా నెలల విచారణ తర్వాత, ఈ ఏడాది జూలైలో కంపెనీ ఈ సమస్యకు కారణమైన తయారీ లోపాన్ని కనుగొంది. అయితే ఈ రికాల్ భారతదేశంలో జీప్ అమ్మకాలపై ఎటువంటి ప్రభావం చూపదు.

జీప్ రాంగ్లర్ ఒక ఆఫ్-రోడర్ ఎస్‌యూవీ. దీనికి బలమైన నిర్మాణం, అద్భుతమైన రోడ్ ప్రెజెన్స్ ఉన్నాయి. ఈ కారు అనేక అడ్వాన్సుడ్ ఫీచర్లను మ, ADAS వంటి అత్యాధునిక సాంకేతికతతో వస్తుంది. భారతదేశంలో జీప్ రాంగ్లర్ బేస్ మోడల్ ధర రూ. 78.13 లక్షల నుండి ప్రారంభమై, టాప్ మోడల్ ధర రూ. 84.64 లక్షల (ఆన్-రోడ్ ఢిల్లీ) వరకు ఉంటుంది. రాంగ్లర్ మొత్తం 3 వేరియంట్లలో లభిస్తుంది.

భారతదేశంలో అమ్ముడయ్యే జీప్ రాంగ్లర్‌లో చాలా పవర్ఫుల్ 1995 సీసీ టర్బోచార్జ్డ్ పెట్రోల్ ఇంజిన్ ఉంటుంది. ఇది 4డబ్ల్యూడీ (4WD) సిస్టమ్‌తో వస్తుంది. ఈ ఎస్‌యూవీ హైవేలపై 10.6 నుండి 11.4 కేఎంపీఎల్ వరకు మైలేజీ ఇవ్వగలదు. ఈ ఇంజిన్ గరిష్టంగా 268 బీహెచ్‌పీ పవర్, 400 ఎన్ఎమ్ పీక్ టార్క్‌ను ఉత్పత్తి చేస్తుంది. ఇందులో ఆటోమేటిక్ ట్రాన్స్‌మిషన్ ఆప్షన్ కూడా ఉంది. ఫ్రంట్ కొలిజన్ వార్నింగ్, అడాప్టివ్ క్రూయిజ్ కంట్రోల్, అడ్వాన్స్‌డ్ బ్రేక్ అసిస్ట్, కార్నింగ్ గొరిల్లా విండ్‌షీల్డ్ వంటి ADAS ఫీచర్లతో సేఫ్టీకి ప్రాధాన్యత ఇస్తుంది.