Maruti Wagnor : ఇప్పుడే కొనేయండి.. మారుతి వాగన్ఆర్ పై భారీ డిస్కౌంట్.. మిస్ అవ్వొద్దు

Maruti Wagnor : భారత మార్కెట్‌లో అత్యధిక కార్లు విక్రయించే కంపెనీలలో మారుతి ఒకటి. అందులోనూ వాగన్ఆర్ కంపెనీకి అత్యధికంగా అమ్ముడవుతున్న కారు. కొత్త వాగన్ఆర్ కొనుగోలు చేయాలని ప్లాన్ చేస్తుంటే ఇది మంచి సమయం. వాహన తయారీ సంస్థ వాగన్ఆర్‌పై భారీ డిస్కౌంట్ ఆఫర్‌ను ప్రకటించింది. ఈ భారీ డిస్కౌంట్‌తో వాగన్ఆర్ ఇప్పుడు టాటా టియాగో వంటి కార్లకు గట్టి పోటీనిస్తోంది. ఈ నెలలో కంపెనీ తన కస్టమర్లకు రూ.1.05 లక్షల వరకు ప్రయోజనాన్ని అందిస్తోంది. జూన్ వరకు కంపెనీ దీనిపై రూ.80 వేల వరకు డిస్కౌంట్ ఇస్తోంది. కానీ ఇప్పుడు ఈ డిస్కౌంట్‌ను మరింత పెంచారు. కంపెనీ తన LXI 1.0 లీటర్ పెట్రోల్ MT, LXI CNG MT వేరియంట్లపై అత్యధిక డిస్కౌంట్ అందిస్తోంది. ఇతర వేరియంట్లపై రూ.95 వేలు, రూ.లక్ష వరకు ప్రయోజనం లభిస్తుంది. ఈ ఆఫర్ జూలై 31, 2025 వరకు మాత్రమే అందుబాటులో ఉంటుంది. కారు ఎక్స్-షోరూమ్ ధర రూ.564,500. కారు కొనుగోలు చేసే ముందు డీలర్‌షిప్ వద్ద ఆఫర్ వివరాలను ఒకసారి చెక్ చేసుకోండి. ఎందుకంటే ఆఫర్‌లు ప్రాంతాన్ని బట్టి మారవచ్చు.

ఈ కారులో అనేక పవర్ ఫుల్ ఫీచర్లు లభిస్తాయి. ఇందులో డ్యూయల్ ఎయిర్‌బ్యాగ్‌లు, ఏబీఎస్, ఈబీడీ, రియర్ పార్కింగ్ సెన్సార్‌లు వంటి సేఫ్టీ ఫీచర్లు ఉన్నాయి. దీంతో పాటు, 7 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ లభిస్తుంది, ఇది ఆండ్రాయిడ్ ఆటో, ఆపిల్ కార్‌ప్లేలను సపోర్ట్ చేస్తుంది. అంతేకాకుండా, ఇందులో పవర్ విండోస్, పవర్ స్టీరింగ్, కీలెస్ ఎంట్రీ, హిల్-హోల్డ్, నాలుగు స్పీకర్లు, మౌంటెడ్ కంట్రోల్స్ వంటి ఫీచర్లు కూడా ఉన్నాయి. ఈ కారు ఇంజిన్ విషయానికి వస్తే, ఇది డ్యూయల్ జెట్ డ్యూయల్ వీవీటీ టెక్నాలజీతో కూడిన రెండు పెట్రోల్ ఇంజిన్ ఆప్షన్‌లలో వస్తుంది. ఒకటి 1.0-లీటర్ త్రీ-సిలిండర్, మరొకటి 1.2-లీటర్ ఫోర్-సిలిండర్ ఇంజిన్. 1.0-లీటర్ పెట్రోల్ ఇంజిన్ లీటరుకు 25.19 కి.మీ. మైలేజీని ఇస్తుంది.

దీని సీఎన్‌జీ వేరియంట్ కిలోకు 34.05 కి.మీ. మైలేజీని అందిస్తుంది. ఇక 1.2-లీటర్ K-సిరీస్ డ్యూయల్ జెట్ డ్యూయల్ వీవీటీ ఇంజిన్‌తో కూడిన ZXI AGS, ZXI+ AGS ట్రిమ్‌లలో కంపెనీ లీటరుకు 24.43 కి.మీ. మైలేజీ ఇస్తుంది.