Nissan Magnite : 5 స్టార్ సేఫ్టీ రేటింగ్ ఉన్న కారు ఇప్పుడు రూ.6 లక్షల లోపే..ఎగబడి కొంటున్న జనం!

Nissan Magnite : నిస్సాన్ మోటార్ ఇండియా తమ మాగ్నైట్ కార్ల ధరలను భారీగా తగ్గిస్తున్నట్లు ప్రకటించింది. సబ్-4 మీటర్ ఎస్‌యూవీలపై జీఎస్టీ రేట్లు తగ్గడంతో, నిస్సాన్ ఆ లాభాన్ని వినియోగదారులకు అందిస్తోంది. ఈ కొత్త ధరలు సెప్టెంబర్ 22, నవరాత్రి మొదటి రోజు నుంచి అమల్లోకి వస్తాయి.

ఏ వేరియంట్‌పై ఎంత ధర తగ్గింది?

పండుగల సీజన్ ముందు కారు కొనుగోలుదారులకు ఇది ఒక మంచి అవకాశం. నిస్సాన్ మాగ్నైట్ బేస్ వేరియంట్ అయిన విసియా ఎంటీ ధర ఇప్పుడు రూ.6 లక్షల లోపు (ఎక్స్-షోరూమ్ రూ.5.61 లక్షలు)కి వచ్చింది. మీడియం రేంజ్ వేరియంట్లైన ఎన్-కనెక్టా సీవీటీ, కురో సీవీటీ వంటివి ఇప్పుడు రూ.10 లక్షల లోపే లభిస్తున్నాయి. అత్యధికంగా టాప్ వేరియంట్లైన సీవీటీ టెక్నా, సీవీటీ టెక్నా+లపై రూ.97,000, రూ.లక్ష వరకు ధర తగ్గింది.

సీఎన్‌జీ కిట్‌పై కూడా తగ్గింపు!

కారు ధరతో పాటు, నిస్సాన్ సీఎన్‌జీ ఫిట్‌మెంట్ కిట్ ధరను కూడా తగ్గించింది. ఇప్పుడు దీని ధర రూ.71,999గా ఉంది, ఇది మునుపటి ధర కంటే రూ.3,000 తక్కువ. ఈ కిట్‌కు 3 సంవత్సరాలు లేదా లక్ష కిలోమీటర్ల వారంటీ లభిస్తుంది.

సేఫ్టీ ఫీచర్లు, వారంటీ!

నిస్సాన్ మాగ్నైట్‌కు ఇటీవల గ్లోబల్ ఎన్‌క్యాప్ క్రాష్ టెస్ట్‌లో 5-స్టార్ రేటింగ్ లభించింది. ఇందులో అడల్ట్ ఆక్యుపెంట్ ప్రొటెక్షన్‌లో కారుకు పర్ఫెక్ట్ స్కోర్ వచ్చింది. ఇప్పుడు ఈ ఎస్‌యూవీలో అన్ని వేరియంట్లలో 6 ఎయిర్‌బ్యాగ్‌లు స్టాండర్డ్‌గా అందుబాటులోకి వచ్చాయి. క్రాష్ టెస్ట్ రేటింగ్‌లు కారు కొనుగోలుదారుల నిర్ణయాన్ని ప్రభావితం చేస్తున్న ఈ సమయంలో నిస్సాన్ తమ కారు సేఫ్టీ పై మరింత నమ్మకం కలిగించాలని చూస్తోంది. అందుకే, ఈ మోడల్‌పై 10 సంవత్సరాల పొడిగించిన వారంటీని కూడా అందిస్తోంది.