Hybrid SUVs: భారతీయ ఆటోమొబైల్ మార్కెట్లో ఎంతో ఆసక్తిగా ఎదురుచూస్తున్న రెనాల్ట్ డస్టర్ రీఎంట్రీ మరింత రసవత్తరంగా మారింది. కంపెనీ తాజాగా విడుదల చేసిన స్ట్రాంగ్ హైబ్రిడ్ మోడల్ ప్రారంభ ఎక్స్-షోరూమ్ ధర రూ. 16.99 లక్షలుగా ఉంది. మార్కెట్లో దీనికి ప్రధాన పోటీదారులుగా మారుతి సుజుకి గ్రాండ్ విటారా, మారుతి విక్టోరిస్ అలాగే టయోటా అర్బన్ క్రూయిజర్ హైరైడర్ వంటి స్ట్రాంగ్ హైబ్రిడ్ ఎస్‌యూవీలు నిలుస్తున్నాయి. డస్టర్‌లో 1.8 లీటర్ పెట్రోల్ ఇంజిన్‌తో పాటు రెండు ఎలక్ట్రిక్ మోటార్లు ఇవ్వగా, మిగిలిన కార్లలో 1.5 లీటర్ ఇంజిన్ లభిస్తుంది.

ధరల పోలిక అలాగే విభిన్న వేరియంట్లు

ఈ నాలుగు ఎస్‌యూవీల ప్రారంభ ధరల్లో పెద్దగా తేడా లేదు. మారుతి విక్టోరిస్ హైబ్రిడ్ రూ.16.43 లక్షలతో మొదలుకాగా, గ్రాండ్ విటారా రూ.16.68 లక్షలు, డస్టర్ హైబ్రిడ్ రూ.16.99 లక్షలు అలాగే టయోటా హైరైడర్ రూ.17.18 లక్షల ప్రారంభ ధరతో లభిస్తున్నాయి. ఇక టాప్ మోడల్ విషయానికి వస్తే డస్టర్ టాప్ ఎండ్ ధర రూ.19.49 లక్షలు ఉండగా, విక్టోరిస్ రూ.19.99 లక్షలు, గ్రాండ్ విటారా రూ.19.77 లక్షలు అలాగే హైరైడర్ రూ.20.31 లక్షల వరకు పలుకుతున్నాయి. బడ్జెట్ పరంగా చూస్తే కస్టమర్లకు ఇవన్నీ దాదాపు ఒకే రేంజ్‌లో అందుబాటులో ఉన్నాయి.

ఇంజిన్ పవర్ అలాగే పనితీరులో ఎవరు బెస్ట్?

పనితీరు పరంగా రెనాల్ట్ డస్టర్ చాలా బలంగా కనిపిస్తోంది. ఇందులో ఉన్న 1.8 లీటర్ పెట్రోల్ ఇంజిన్ రెండు ఎలక్ట్రిక్ మోటర్లతో కలిసి మొత్తం 160bhp పవర్‌ను ఉత్పత్తి చేస్తుంది. దీనికి విరుద్ధంగా గ్రాండ్ విటారా, హైరైడర్ అలాగే విక్టోరిస్ కార్లలో 1.5 లీటర్ పెట్రోల్ ఇంజిన్ లభించి కేవలం 116bhp శక్తిని మాత్రమే ఇస్తాయి. అలాగే డస్టర్‌లో 1.4 kWh బ్యాటరీ ఉండగా, మిగిలిన మూడింట 0.60 kWh బ్యాటరీ ప్యాక్ లభిస్తుంది. ట్రాన్స్‌మిషన్ విషయానికి వస్తే డస్టర్ మల్టీ-మోడ్ ఆటోమేటిక్‌తో రాగా, మిగతావి ఈ-సీవీటీ గేర్‌బాక్స్‌ను కలిగి ఉన్నాయి.

మైలేజ్ సామర్థ్యం అలాగే ఫీచర్ల వివరాలు

మైలేజ్ విషయంలో రెనాల్ట్ డస్టర్ లీటరుకు 29 కిలోమీటర్ల మైలేజ్ ఇస్తుందని కంపెనీ చెబుతోంది. విక్టోరిస్ 28.65 కిమీ, గ్రాండ్ విటారా అలాగే హైరైడర్ 27.97 కిమీ మైలేజ్ ఇస్తాయని పేర్కొన్నాయి. ఫీచర్ల పరంగా డస్టర్‌లో 10.1 అంగుళాల టచ్‌స్క్రీన్, 10.25 అంగుళాల డిజిటల్ డిస్‌ప్లే, పనోరమిక్ సన్‌రూఫ్ అలాగే లెవల్-2 ఏడీఏఎస్ లభిస్తున్నాయి. విక్టోరిస్‌లో కూడా పెద్ద టచ్‌స్క్రీన్, 360-డిగ్రీ కెమెరా వంటి ఆధునిక హంగులు ఉన్నాయి. కార్ల ఎంపిక సమయంలో కేవలం ధర మాత్రమే కాకుండా పవర్, మైలేజ్ అలాగే సర్వీస్ ఖర్చులను బేరీజు వేసుకోవడం ముఖ్యం.

Tags: