Jio Rs 198 Plan : రూ.198కే అన్‌లిమిటెడ్ 5G డేటా..జియో సంచలన ప్లాన్..ఎయిర్‌టెల్ కు షాక్

Jio Rs 198 Plan : టెలికాం రంగంలో చౌకధరలకే డేటా అందించడంలో రిలయన్స్ జియో ఎప్పుడూ ముందే ఉంటుంది. పెరిగిన రీఛార్జ్ ధరలతో బెంబేలెత్తిపోతున్న సామాన్యులకు జియో ఒక అదిరిపోయే ప్లాన్‌ను అందుబాటులో ఉంచింది. కేవలం 198 రూపాయలకే అన్‌లిమిటెడ్ 5G డేటాను ఆఫర్ చేస్తూ మార్కెట్లో సెన్సేషన్ సృష్టిస్తోంది. 200 రూపాయల బడ్జెట్ లోపు 5G డేటా కావాలనుకునే వారికి ఇది ఒక సూపర్ హిట్ ప్లాన్ అని చెప్పొచ్చు. ఈ ప్లాన్ ద్వారా జియో తన యూజర్లకు ఎలాంటి ప్రయోజనాలు అందిస్తుందో, ప్రత్యర్థి కంపెనీ ఎయిర్‌టెల్ కంటే ఇది ఎలా మెరుగ్గా ఉందో వివరంగా తెలుసుకుందాం.

రిలయన్స్ జియో ప్రవేశపెట్టిన ఈ రూ.198 ప్రిపెయిడ్ ప్లాన్ ముఖ్యంగా తక్కువ ఖర్చుతో హై-స్పీడ్ ఇంటర్నెట్ కావాలనుకునే వారిని దృష్టిలో ఉంచుకుని రూపొందించబడింది. ఈ ప్లాన్ కింద యూజర్లకు ప్రతిరోజూ 2GB హై-స్పీడ్ డేటా లభిస్తుంది. అంటే 14 రోజుల వాలిడిటీ కాలంలో మొత్తం 28GB డేటా అందుతుంది. ఒకవేళ మీరు రోజువారీ 2GB లిమిట్ పూర్తి చేసినా, ఇంటర్నెట్ ఆగదు కానీ స్పీడ్ మాత్రం 64kbps కి తగ్గుతుంది. దీనితో పాటు దేశంలోని ఏ నెట్‌వర్క్ కైనా అన్‌లిమిటెడ్ వాయిస్ కాల్స్ మాట్లాడుకోవచ్చు. రోజుకు 100 SMSలు ఉచితంగా పంపవచ్చు.

అయితే ఈ ప్లాన్ లో అసలైన హైలైట్ ఏమిటంటే అన్‌లిమిటెడ్ 5G డేటా. ఒకవేళ మీరు జియో 5G నెట్‌వర్క్ పరిధిలో ఉండి, మీ దగ్గర 5G స్మార్ట్‌ఫోన్ ఉంటే.. మీరు ఎలాంటి లిమిట్ లేకుండా అపరిమితంగా డేటాను వాడుకోవచ్చు. సినిమా డౌన్‌లోడ్‌లు, గేమింగ్ లేదా వీడియో స్ట్రీమింగ్ చేసేవారికి ఇది ఒక గొప్ప అవకాశం. అదనపు ప్రయోజనాల కింద జియో టీవీ, జియో సినిమా, జియో క్లౌడ్ సబ్‌స్క్రిప్షన్లు కూడా ఉచితంగా లభిస్తాయి. స్వల్ప కాలానికి ఇంటర్నెట్ అవసరాలు ఎక్కువగా ఉన్నవారికి ఈ 14 రోజుల ప్లాన్ పర్ఫెక్ట్ గా సరిపోతుంది.

మరోవైపు ప్రత్యర్థి కంపెనీ ఎయిర్‌టెల్ విషయానికి వస్తే, 200 రూపాయల లోపు అన్‌లిమిటెడ్ 5G డేటా అందించే ప్లాన్ ఏదీ ప్రస్తుతం అందుబాటులో లేదు. ఎయిర్‌టెల్ లో అన్‌లిమిటెడ్ 5G ఫీచర్ కావాలంటే కనీసం రూ.349తో రీఛార్జ్ చేయించుకోవాలి. ఈ ప్లాన్ ద్వారా రోజుకు 1.5GB డేటా, 28 రోజుల వాలిడిటీ లభిస్తుంది. వాలిడిటీ పరంగా ఎయిర్‌టెల్ ప్లాన్ మెరుగ్గా ఉన్నప్పటికీ, కేవలం తక్కువ ధరలో 5G డేటా ఎంజాయ్ చేయాలనుకునే వారికి మాత్రం జియో అందించే రూ.198 ప్లానే బెస్ట్ ఆప్షన్ అని చెప్పాలి.

ఈ మధ్యకాలంలో టెలికాం కంపెనీలు టారిఫ్ ధరలను భారీగా పెంచడంతో సామాన్యులు రీఛార్జ్ చేయించుకోవడానికి వెనకాడుతున్నారు. ఇలాంటి సమయంలో జియో తన బేసిక్ ప్లాన్ల ద్వారా యూజర్లను ఆకట్టుకోవాలని చూస్తోంది. ముఖ్యంగా యువత, విద్యార్థులు ఈ తక్కువ ధర ప్లాన్ల వైపు మొగ్గు చూపుతున్నారు. మీకు గనుక 5G ఫోన్ ఉండి, తక్కువ ధరలో అపరిమిత డేటా కావాలని అనుకుంటే జియో రూ.198 ప్లాన్ ను వెంటనే ట్రై చేయండి.