ICICI Bank : ఐసీఐసీఐ బ్యాంక్ బంపర్ ఆఫర్.. ఈ వస్తువులపై రూ.50,000 వరకు డిస్కౌంట్.. క్యాష్‌బ్యాక్ కూడా

ICICI Bank : పండుగల సీజన్ ప్రారంభం కాబోతోంది. ఈ సందర్భంగా ఐసీఐసీఐ బ్యాంక్ తన వినియోగదారుల కోసం ఫెస్టివ్ బొనాంజా అనే వార్షిక ఆఫర్లను ప్రకటించింది. ఈ ఆఫర్లలో భాగంగా, వివిధ ప్రొడక్ట్స్, సర్వీసుల పై రూ.50,000 వరకు డిస్కౌంట్, క్యాష్‌బ్యాక్ పొందవచ్చు. ఈ ఆఫర్లు ఎక్కడెక్కడ, ఎలా ఉపయోగించుకోవాలో వివరంగా తెలుసుకుందాం.

ఐసీఐసీఐ బ్యాంక్ తన వార్షిక ఫెస్టివ్ బొనాంజా ఆఫర్లను ప్రకటించి, పండుగలకు మరింత ఆనందాన్ని తీసుకువచ్చింది. ఈ ఆఫర్లలో భాగంగా, ఆన్‌లైన్ షాపింగ్, మొబైల్స్, ఎలక్ట్రానిక్స్, ఫ్యాషన్, ట్రావెల్, ఫర్నిచర్, కిరాణా వంటి అనేక కేటగిరీలలో వినియోగదారులు రూ.50,000 వరకు డిస్కౌంట్లు, క్యాష్‌బ్యాక్ పొందవచ్చు. ఈ ప్రయోజనాలను క్రెడిట్/డెబిట్ కార్డులు, ఇంటర్నెట్ బ్యాంకింగ్, కార్డ్‌లెస్ ఈఎంఐ, కన్స్యూమర్ ఫైనాన్స్ ద్వారా పొందవచ్చు. వీటితో పాటు నో-కాస్ట్ ఈఎంఐ ఆప్షన్ కూడా ఉంది.

ఏ బ్రాండ్లపై ఆఫర్లు?

బ్యాంక్ ఈ ఆఫర్ల కోసం యాపిల్, ఫ్లిప్‌కార్ట్, క్రోమా, రిలయన్స్ డిజిటల్, వన్‌ప్లస్, మేక్‌మైట్రిప్, గోఐబిబో, యాత్ర, బ్లింకిట్, స్విగ్గి, ఆజియో, డిస్ట్రిక్ట్, పెప్పర్‌ఫ్రై వంటి ప్రముఖ బ్రాండ్స్‌తో భాగస్వామ్యం కుదుర్చుకుంది.

మొబైల్స్, ఎలక్ట్రానిక్స్: ఐఫోన్ 17పై రూ.6,000 వరకు క్యాష్‌బ్యాక్, వన్‌ప్లస్‌పై రూ.5,000, నథింగ్ స్మార్ట్‌ఫోన్‌పై రూ.15,000 వరకు డిస్కౌంట్ పొందవచ్చు. ఎల్‌జీ, హయర్, పానాసోనిక్ వంటి బ్రాండ్లపై రూ.50,000 వరకు డిస్కౌంట్/క్యాష్‌బ్యాక్ ఉంది.

ఫ్యాషన్, ట్రావెల్: టాటా క్లిక్‌పై 15%, ఆజియోపై 10% డిస్కౌంట్ ఉంది. మేక్‌మైట్రిప్, గోఐబిబో, యాత్ర, ఈజ్‌మైట్రిప్, పేటీఎమ్ ఫ్లైట్స్‌పై ఫ్లైట్స్, హోటల్స్, హాలిడే ప్యాకేజీలపై రూ.10,000 వరకు డిస్కౌంట్ లభిస్తుంది.

కిరాణా, డైనింగ్, ఫర్నిచర్: బిగ్‌బాస్కెట్, బ్లింకిట్, స్విగ్గీ ఇన్‌స్టామార్ట్‌లపై డిస్కౌంట్లు ఉన్నాయి. పెప్పర్‌ఫ్రై, లివ్‌స్పేస్, ది స్లీప్ కంపెనీపై 35% వరకు డిస్కౌంట్ లభిస్తుంది.

ఫ్లిప్‌కార్ట్ బిగ్ బిలియన్ డేస్ (సెప్టెంబర్ 23 - అక్టోబర్ 2, 2025) సందర్భంగా అదనంగా 10% డిస్కౌంట్ పొందవచ్చు.

బ్యాంక్ లోన్‌లపై పండుగ ఆఫర్లు

ఈ ఫెస్టివల్ సీజన్‌లో బ్యాంక్ లోన్‌లపై కూడా ఐసీఐసీఐ ఆకర్షణీయమైన ఆఫర్లను అందిస్తోంది.

హోమ్ లోన్: జీతం తీసుకునే ఉద్యోగులకు రూ.5,000 ప్రాసెసింగ్ ఫీజు మాత్రమే. ఈ ఆఫర్ డిసెంబర్ 15, 2025 వరకు ఉంటుంది.

ఆటో లోన్: ఇన్‌స్టాంట్ ఆటో లోన్‌పై కేవలం రూ.999 ప్రాసెసింగ్ ఫీజు. ఆఫర్ అక్టోబర్ 31, 2025 వరకు ఉంటుంది.

పర్సనల్ లోన్: వడ్డీ రేటు 9.99% నుంచి ప్రారంభమవుతుంది. ఈ ఆఫర్ సెప్టెంబర్ 30, 2025 వరకు ఉంటుంది.

ఈ ఆఫర్ల ప్రయోజనాలను పొందడానికి, వినియోగదారులు సమీపంలోని ఐసీఐసీఐ బ్యాంక్ బ్రాంచ్‌ను సంప్రదించవచ్చు లేదా డిజిటల్ ప్లాట్‌ఫారమ్‌లను ఉపయోగించవచ్చు.