Post Office : నిరుద్యోగులకు గుడ్ న్యూస్.. 5 వేల పెట్టుబడితో లక్షల్లో సంపాదన

Post Office : తక్కువ పెట్టుబడితో మంచి ఆదాయం సంపాదించాలని ఆలోచిస్తున్నారా? అయితే పోస్ట్ ఆఫీస్ అందిస్తున్న ఫ్రాంచైజీ స్కీమ్ మంచి ఛాన్స్ కావొచ్చు. కేవలం 5 వేల రూపాయల పెట్టుబడితో చిన్న పోస్ట్ ఆఫీస్‌ను ప్రారంభించి, ప్రతి నెలా మంచి ఆదాయాన్ని సంపాదించుకోవచ్చు. ముఖ్యంగా గ్రామీణ ప్రాంతాల్లో, పోస్టాఫీసులు దూరంగా ఉన్న చోట్ల నిరుద్యోగులకు ఇది ఒక గొప్ప అవకాశం. తక్కువ పెట్టుబడితో సొంతంగా బిజినెస్ చేయాలనుకునే వారికి పోస్టాఫీస్ ఒక అద్భుతమైన అవకాశాన్ని అందిస్తోంది. పోస్టాఫీస్ ఫ్రాంచైజీ స్కీమ్ కింద కేవలం రూ.5,000 పెట్టుబడితో మీరు సొంతంగా చిన్న పోస్టాఫీస్‎ను ప్రారంభించి, ప్రతి నెలా మంచి ఆదాయాన్ని సంపాదించుకోవచ్చు. గ్రామాలు, చిన్న పట్టణాల్లో పోస్ట్ ఆఫీస్‌లు అందుబాటులో లేని చోట్ల నివసించే వారికి, సొంతంగా ఏదైనా చేయాలనుకునే వారికి ఇది చాలా ఉపయోగకరమైన పథకం.

రెండు రకాలుగా పోస్ట్ ఆఫీస్‌తో జాయిన్ అవ్వచ్చు

పోస్టాఫీస్ ఫ్రాంచైజీ పథకంలో రెండు రకాలుగా పనిచేయవచ్చు:

పోస్ట్ ఫ్రాంచైజీ అవుట్‌లెట్: మీ ప్రాంతంలో పోస్ట్ ఆఫీస్ లేకపోతే, మీరు ఒక చిన్న పోస్ట్ ఆఫీస్‌ను తెరవవచ్చు. దీని ద్వారా ప్రజలు ఉత్తరాలు పంపడం, మనీ ఆర్డర్ చేయడం, పొదుపు ఖాతాలు తెరవడం వంటి సేవలను పొందవచ్చు. ఇది పూర్తి స్థాయి పోస్ట్ ఆఫీస్ కాకపోయినా, ప్రాథమిక సేవలను అందిస్తుంది.

పోస్టల్ ఏజెంట్ : ఈ పద్ధతిలో మీరు పోస్టల్ స్టాంపులు, స్టేషనరీ, పోస్ట్ సంబంధిత వస్తువులను కొనుగోలు చేసి ప్రజలకు విక్రయించాలి. ఈ పనిని పట్టణాలు, గ్రామాలు రెండింటిలోనూ చేయవచ్చు.

ఎంత పెట్టుబడి అవసరం?

పోస్ట్ ఫ్రాంచైజీ అవుట్‌లెట్ కోసం: దీనికి పెద్దగా డబ్బు అవసరం లేదు. సుమారు 200 చదరపు అడుగుల స్థలం ఉంటే చాలు. దీంతో పాటు రూ.5,000 సెక్యూరిటీ డిపాజిట్ చేయాలి.

పోస్టల్ ఏజెంట్ కోసం: దీనికి కొంచెం ఎక్కువ ఖర్చవుతుంది. ఎందుకంటే మీరు స్టాంపులు, స్టేషనరీ మొదలైనవి కొనుగోలు చేసి స్టాక్ పెట్టుకోవాలి.

ఈ రెండు పద్ధతులలోనూ, మీరు అందించే ప్రతి సేవకు కొంత రుసుము వసూలు చేయవచ్చు, తద్వారా ప్రతి నెలా మంచి ఆదాయం పొందవచ్చు.

ఎవరు దరఖాస్తు చేయవచ్చు?

ఈ పోస్ట్ ఆఫీస్ పథకానికి ఎక్కువ చదువుకున్న వారు అవసరం లేదు. కనీసం 8వ తరగతి పాస్ అయిన వారు కూడా దరఖాస్తు చేసుకోవచ్చు. మీ వయస్సు 18 సంవత్సరాలు లేదా అంతకంటే ఎక్కువ ఉండాలి. దరఖాస్తు చేయడానికి కొన్ని ముఖ్యమైన డాక్యుమెంట్లు అవసరం. ఆధార్ కార్డు, పాన్ కార్డు, బ్యాంక్ స్టేట్‌మెంట్, ఫోటో, నివాస ధ్రువీకరణ పత్రం, కుల, ఆదాయ ధ్రువీకరణ పత్రం, ఓటరు ID కార్డు.

ఎక్కడ సంప్రదించాలి?

ఈ పథకంపై మీకు ఆసక్తి ఉంటే సమీపంలోని పోస్ట్ ఆఫీస్‌ను సందర్శించి పూర్తి వివరాలు తెలుసుకోవచ్చు. అక్కడ మీకు దరఖాస్తు ఫారం ఇస్తారు. సిబ్బంది దరఖాస్తు ప్రక్రియ గురించి వివరిస్తారు. అన్ని షరతులు సరిపోతే త్వరగానే మీరు ఈ బిజినెస్ ప్రారంభించవచ్చు. తక్కువ పెట్టుబడితో ఎలాంటి పెద్ద రిస్క్ లేకుండా, ప్రభుత్వం అందించే ఈ నమ్మకమైన సేవను ప్రారంభించి, మీ గ్రామమైనా, పట్టణమైనా సొంతంగా సంపాదించుకోవడానికి ఇది ఒక గొప్ప అవకాశం.