UPI :యూపీఐ కొత్త నిబంధనలు.. ఒక ట్రాన్సాక్షన్‌కు రూ.10 లక్షల వరకు పంపవచ్చు
ఒక ట్రాన్సాక్షన్‌కు రూ.10 లక్షల వరకు పంపవచ్చు
UPI : భారతదేశంలో అత్యంత ప్రజాదరణ పొందిన చెల్లింపుల వ్యవస్థ అయిన యూపీఐ నియమాలలో మరోసారి మార్పులు జరిగాయి. కొన్ని విభాగాల చెల్లింపుల కోసం ట్రాన్సాక్షన్ పరిమితిని పెంచారు. ఒక రోజు లావాదేవీల పరిమితిని రూ.5 లక్షల నుండి రూ.10 లక్షల వరకు పెంచారు. ఈ కొత్త నియమాలు సెప్టెంబర్ 15, 2025 నుండి అమలులోకి వచ్చాయి. బీమా, క్రెడిట్ కార్డ్ బిల్లులు వంటి సేవలకు డబ్బు చెల్లించడానికి ఉన్న పరిమితిని పెంచారు.
కొత్త యూపీఐ నిబంధనలు, పరిమితులు
1. బీమా, రుణాలు, ఈఎంఐ
ఇప్పుడు మీరు అధిక మొత్తంలో బీమా ప్రీమియం, రుణ ఈఎంఐ చెల్లించవచ్చు. ఒకేసారి రూ.5,00,000 వరకు చెల్లించవచ్చు. ఒక రోజులో రూ.10 లక్షల వరకు బీమా ప్రీమియంలు, ఈఎంఐలను చెల్లించవచ్చు. ఇదివరకు రూ.5 లక్షలు చెల్లించాలంటే చిన్న మొత్తాలలో అనేకసార్లు చెల్లించాల్సి వచ్చేది.
2. షేర్ మార్కెట్‌లో కూడా పెంపు
షేర్ మార్కెట్‌లో పెట్టుబడిదారులు ఇప్పుడు ఒకేసారి రూ.5 లక్షల వరకు చెల్లించవచ్చు. ఇక్కడ కూడా రోజుకు రూ.10 లక్షల వరకు చెల్లించడానికి అవకాశం ఉంది.
3. క్రెడిట్ కార్డ్ బిల్లు
మీ క్రెడిట్ కార్డ్ బిల్లు మొత్తం రూ.5 లక్షలు అయితే, దానిని ఒకేసారి చెల్లించవచ్చు. ఒక రోజులో రూ.6,00,000 వరకు చెల్లించడానికి పరిమితి ఉంది.
4. ప్రయాణ ఖర్చులు
ప్రయాణానికి సంబంధించిన బుకింగ్‌లు, ఖర్చుల కోసం కూడా ఒకేసారి రూ.5,00,000 వరకు చెల్లించడానికి అవకాశం ఉంది. ఇక్కడ రోజుకు రూ.10 లక్షల వరకు పరిమితి ఉంది.
5. ఆభరణాలు, దుకాణాలకు చెల్లింపు
ఆభరణాలు కొనుగోలు చేసేటప్పుడు ఒకేసారి రూ.5 లక్షలు చెల్లించవచ్చు. దీనిలో రోజుకు రూ.6,00,000 పరిమితి ఉంది. వ్యాపారులకు ఒకే లావాదేవీలో రూ.5 లక్షల వరకు చెల్లించవచ్చు. ఇక్కడ రోజువారీ పరిమితి నిర్ణయించబడలేదు.
6. వ్యక్తి నుండి వ్యక్తికి చెల్లింపు
వ్యక్తి నుండి వ్యక్తికి చెల్లింపులో గతంలో రూ.లక్ష వరకు చెల్లించేవారు. ఇప్పుడు కూడా అదే నియమం కొనసాగుతుంది.