Mana Shankaravar Prasad’s Film: మన శంకరవర ప్రసాద్ గారు ..5 రోజుల్లో 226 కోట్లు

Mana Shankaravar Prasad’s Film: మెగాస్టార్ చిరంజీవి గానటించిన 'మన శంకర వరప్రసాద్ గారు' (MSG) బాక్సాఫీస్ వద్ద తన సునామీని కొనసాగిస్తోంది. విడుదలైన 5 రోజుల్లోనే ఈ సినిమా ఊహించని రీతిలో వసూళ్లను రాబట్టి ప్రాంతీయ చిత్రాల్లో సరికొత్త రికార్డులను సృష్టించింది.ప్రపంచవ్యాప్తంగా మొత్తం గ్రాస్ 5 రోజుల్లో రూ. 226.00 కోట్లు. ఇండియాలో నెట్ కలెక్షన్లు 5 రోజుల్లో రూ.120.35 కోట్లు కాగా గ్రాస్ రూ.143.25 కోట్ల గ్రాస్ వసూలు చేసింది. విదేశాల్లో రూ. 32 కోట్లు వసూలు చేసింది.

కేవలం 5 రోజుల్లోనే ప్రపంచవ్యాప్తంగా రూ. 226 కోట్ల గ్రాస్‌ వసూలు చేసి, అతి తక్కువ సమయంలో ఈ మైలురాయిని అందుకున్న ప్రాంతీయ తెలుగు చిత్రంగా రికార్డు సృష్టించింది.చిరంజీవి కెరీర్‌లో సైరా నరసింహారెడ్డి, వాల్తేరు వీరయ్య తర్వాత రూ. 200 కోట్ల క్లబ్‌లో చేరిన మూడో సినిమా ఇది. ఏ టాలీవుడ్ సీనియర్ హీరోకు ఇన్ని రూ. 200 కోట్ల సినిమాలు లేవు. 5వ రోజు (శుక్రవారం) వర్కింగ్ డే అయినప్పటికీ, ఈ చిత్రం ఇండియాలో సుమారు రూ. 18.50 కోట్లు వసూలు చేయడం విశేషం.

నార్త్ అమెరికాలో ఈ సినిమా ఇప్పటికే $2 మిలియన్ డాలర్ల మార్కును దాటేసింది.ఎందుకు ఈ విజయం?దర్శకుడు అనిల్ రావిపూడి, చిరంజీవిలోని "వింటేజ్ మాస్ అండ్ కామెడీ" యాంగిల్‌ను పర్ఫెక్ట్‌గా ప్రెజెంట్ చేయడం, సంక్రాంతి సెలవులు తోడవ్వడం ఈ భారీ వసూళ్లకు ప్రధాన కారణం. ముఖ్యంగా బి, సి సెంటర్లలో మరియు ఫ్యామిలీ ఆడియన్స్‌లో ఈ సినిమాకు తిరుగులేని ఆదరణ లభిస్తోంది.ఈ వీకెండ్ (శని, ఆదివారాలు) ముగిసేసరికి ఈ సినిమా రూ. 275 కోట్ల మార్కును చేరుకుంటుందని ట్రేడ్ నిపుణులు అంచనా వేస్తున్నారు.