“Daivam Manusha Rupena” Really Mean: దైవం మానుష రూపేణ అంటే ఏమిటీ..? తప్పక తెలుసుకోండి..

“Daivam Manusha Rupena” Really Mean: దైవం మానుష రూపేణ అనే లోతైన ఆధ్యాత్మిక సిద్ధాంతాన్ని పండితులు వివరిస్తూ భక్తికి, మోక్షానికి మానవ సేవ ఎంత ముఖ్యమో తెలియజేశారు. దేవుడు సర్వవ్యాప్తి, సర్వశక్తిమంతుడు అయినప్పటికీ ఆయన మానవ రూపంలోనే ఎక్కువగా కనిపిస్తాడు. భారతీయ పురాణాలు, మహనీయుల జీవిత చరిత్రలు ఈ సత్యాన్ని నిరూపిస్తున్నాయని, మనం ఈ మార్గాన్ని అనుసరిస్తే దైవిక అనుగ్రహం త్వరగా లభిస్తుందని పండితులు తెలిపారు.

నిజమైన ఉదాహరణలు : రామకృష్ణ పరమహంస, శివకుమార స్వామి వంటి గొప్పవారు ఈ సిద్ధాంతాన్ని పాటించారు. కర్ణాటకలో శివకుమార స్వామి లక్షల మంది పిల్లలకు చదువు, తిండి ఇచ్చి గొప్ప దైవత్వాన్ని చూపించారు.

సేవే ప్రధానం: మనం ఇతరులకు సహాయం చేసినప్పుడు, ఆహారం ఇచ్చినప్పుడు, దాని గురించి గొప్పలు చెప్పుకోకూడదు. గొప్పలు చెప్పుకుంటే ఫలితం దక్కదు.

శుభకార్యాలు: మన పుట్టినరోజులు లేదా పెళ్లి రోజులను కేవలం కుటుంబంతో కాకుండా అనాథలు లేదా కష్టాల్లో ఉన్నవారితో జరుపుకుంటే మంచి ఫలితం వస్తుంది.

భక్తి అంటే: గుడి కట్టి దేవుడి విగ్రహాలను పూజించడం ఒక భక్తి మార్గమైతే.. మానవ రూపంలో ఉన్న వారికి సేవ చేయడం ఇంకో ముఖ్యమైన భక్తి మార్గం.

గుర్తుంచుకోవాలి: మన కష్టకాలంలో మనకు సహాయం చేయడానికి ఎవరో ఒకరు వస్తారు కదా, ఆ సహాయం చేసే వ్యక్తి మరెవరో కాదు మానవ రూపంలో వచ్చిన దేవుడే.

ఏ వ్యక్తినీ తక్కువగా చూడకూడదు. ప్రతి మనిషిలోనూ దేవుని అంశం ఉంది అని నమ్మాలి.