Maruti Brezza : నెక్సాన్, XUV3XO, వెన్యూ, సోనెట్‌లను వెనక్కి నెట్టి నంబర్ 1గా నిలిచిన కారు.. ధర కేవలం రూ.8.69 లక్షలే

Maruti Brezza : భారతదేశంలో అత్యంత ప్రజాదరణ పొందిన సబ్-4 మీటర్ SUV అమ్మకాలు జూన్ 2025లో తగ్గుముఖం పట్టాయి. గత సంవత్సరం జూన్ 2024లో 95,201 యూనిట్లు అమ్ముడవగా, ఈ సంవత్సరం జూన్ 2025లో ఇది 81,665 యూనిట్లకు పడిపోయింది. అంటే, ఇది సంవత్సరానికి 14.22% క్షీణతను సూచిస్తుంది. అంతేకాదు, మే 2025తో పోలిస్తే కూడా అమ్మకాల్లో 17.48% భారీ తగ్గుదల కనిపించింది. ఈ పోటీలో ఏ కారు అగ్రస్థానంలో నిలిచింది, ఏవి వెనుకబడ్డాయో తెలుసుకుందాం.

1. మారుతి సుజుకి బ్రెజా

జూన్ 2025లో జరిగిన అమ్మకాల్లో మారుతి సుజుకి బ్రెజా అగ్రస్థానాన్ని కైవసం చేసుకుంది. ఇది 14,507 యూనిట్లను అమ్మింది. గత సంవత్సరం ఇదే నెలతో పోలిస్తే ఇది 10% ఎక్కువ అమ్మకాలు కావడం విశేషం. అయితే, మే 2025తో పోలిస్తే అమ్మకాలు 6.8% తగ్గాయి. అయినప్పటికీ, ఈ సబ్-4 మీటర్ SUV సెగ్మెంట్‌లో బ్రెజా తన ఆధిపత్యాన్ని చాటుకుంది.

2. టాటా నెక్సాన్

టాటా నెక్సాన్ (ICE+ EV) 11,602 యూనిట్లను విక్రయించింది. కానీ, ఇది గత సంవత్సరంతో పోలిస్తే 3.85% తగ్గుదలను సూచిస్తుంది. నెలవారీగా చూస్తే కూడా అమ్మకాలు 11% తగ్గాయి. టాటా నెక్సాన్ గతంలో ఈ సెగ్మెంట్‌లో అగ్రస్థానంలో ఉండేది, అయితే ఇప్పుడు బ్రెజా దానిని అధిగమించింది.

3. టాటా పంచ్

టాటా పంచ్, పంచ్ EV అమ్మకాలు దారుణంగా తగ్గాయి. ఇవి 42% తగ్గి 10,446 యూనిట్లకు చేరాయి. నెలవారీగా చూస్తే 20% తగ్గుదల మరింత ఆశ్చర్యకరమైనది. చిన్న SUV సెగ్మెంట్‌లో పంచ్ ఒకప్పుడు మంచి అమ్మకాలను సాధించింది, కానీ ఇప్పుడు అది సవాళ్లను ఎదుర్కొంటోంది.

4. మారుతి ఫ్రాంక్స్

మారుతి ఫ్రాంక్స్ 9,815 యూనిట్లతో స్థిరమైన పనితీరును కనబరిచింది. దీని అమ్మకాల్లో 1.31% వార్షిక వృద్ధి కనిపించింది. అయితే, నెలవారీగా చూస్తే 27.75% తగ్గుదల నమోదైంది. అయినప్పటికీ, మారుతి పోర్ట్‌ఫోలియోలో ఇది మంచి స్థానంలో నిలిచింది.

5. మహీంద్రా XUV 3XO : ఇది 7,089 యూనిట్లను విక్రయించింది, ఇది గత సంవత్సరంతో పోలిస్తే 16.6% తగ్గుదల కనిపించింది.

2025 రెండవ త్రైమాసికంలో మొత్తం అమ్మకాలు 2,83,476 యూనిట్లుగా నమోదయ్యాయి. Q2 2024 తో పోలిస్తే ఇది 1.11% స్వల్ప తగ్గుదల. ఈ త్రైమాసికంలో బ్రెజా 47,044 యూనిట్లను, నెక్సాన్ 40,155 యూనిట్లను విక్రయించాయి. టాటా పంచ్ అమ్మకాల్లో అత్యధికంగా (36%) తగ్గుదల కనిపించింది. స్కోడా కైలాక్, కియా సైరాస్ వంటి కొత్త మోడల్స్ మార్కెట్‌కు కొంత కొత్తదనాన్ని తీసుకువచ్చాయి.