PM Kisan : పీఎం కిసాన్ లబ్ధిదారులకు అలర్ట్.. ఈ 3 పనులు చేయకపోతే రూ.2,000 అకౌంట్‌లో పడవు

PM Kisan : ప్రధానమంత్రి కిసాన్ సమ్మాన్ నిధి పథకం కింద 24వ విడత సహాయం కోసం ఎదురుచూస్తున్న రైతులకు కీలకమైన సమాచారం అందుబాటులోకి వచ్చింది. ఇటీవల కేంద్ర మంత్రివర్గం ఈ పథకాన్ని 2030-31 ఆర్థిక సంవత్సరం వరకు పొడిగించేందుకు ఆమోదం తెలిపిన సంగతి తెలిసిందే. దీనితో ఈ పథకం క్రమం తప్పకుండా అమలవుతుందనే విషయంలో స్పష్టత వచ్చింది. సాధారణ షెడ్యూల్ ప్రకారం 24వ విడత రూ.2,000 ఆర్థిక సహాయం నవంబర్-డిసెంబర్ 2026 మధ్యకాలంలో రైతుల బ్యాంక్ ఖాతాల్లో నేరుగా జమ అయ్యే అవకాశం ఉంది. అయితే, ఈ డబ్బులు ఏ అడ్డంకి లేకుండా అందాలంటే రైతులు 3 ముఖ్యమైన పనులను ముందే పూర్తి చేసి పెట్టుకోవాలి.

ఈ 3 పనులు పూర్తి చేయకపోతే రూ.2,000 ఆగిపోతాయి

రైతులు తమ ఖాతాల్లో నవంబర్-డిసెంబర్ నాటికి నిధులు పడాలంటే క్రింది ప్రక్రియలను సమయానికి పూర్తి చేయాల్సి ఉంటుంది:

* ఈ-కేవైసీ : పీఎం కిసాన్ పోర్టల్‌లో ఓటీపీ ద్వారా లేదా సమీపంలోని సీఎస్‌సీ కేంద్రానికి వెళ్లి బయోమెట్రిక్ పద్ధతిలో ఈ-కేవైసీ పూర్తి చేయాలి.

* ల్యాండ్ సీడింగ్ : మీ భూమి వివరాలు ప్రభుత్వ పోర్టల్‌లో నమోదై ఉండాలి. స్టేటస్‌లో ల్యాండ్ సీడింగ్ - నో అని ఉంటే తహసీల్దార్ లేదా వ్యవసాయాధికారిని కలిసి వివరాలు నమోదు చేసుకోవాలి.

* బ్యాంక్ ఖాతా అనుసంధానం: మీ బ్యాంక్ ఖాతాకు ఐడెంటిటీ కార్డ్ నంబర్ లింక్ అయి ఉండటంతో పాటు డైరెక్ట్ బెనిఫిట్ ట్రాన్స్‌ఫర్ సదుపాయం యాక్టివ్‌లో ఉండాలి.

ఆన్‌లైన్‌లో బెనిఫిషియరీ స్టేటస్ చెక్ చేసుకునే విధానం

మీకు 24వ విడత డబ్బులు వస్తాయో లేదో తెలుసుకోవడానికి పీఎం కిసాన్ అధికారిక పోర్టల్ సహాయంతో స్టేటస్ చెక్ చేసుకోవచ్చు:

* ముందుగా పీఎం కిసాన్ అధికారిక వెబ్‌సైట్‌కు వెళ్లి 'Farmers Corner' సెక్షన్‌లోకి వెళ్లాలి.

* అక్కడ ఉన్న 'Know Your Status' అనే ఆప్షన్‌పై క్లిక్ చేయాలి.

* మీ రిజిస్ట్రేషన్ నంబర్, స్క్రీన్‌పై కనిపించే క్యాప్చా కోడ్‌ను ఎంటర్ చేసి Get Data పై క్లిక్ చేయాలి.

* ఇప్పుడు స్క్రీన్‌పై మీ ఈ-కేవైసీ, ల్యాండ్ సీడింగ్, బ్యాంక్ ఖాతా లింకింగ్ వివరాలు కనిపిస్తాయి. ఈ మూడింటి ముందు Yes అని ఉంటే మీకు 24వ విడత డబ్బులు ఎలాంటి సమస్య లేకుండా జమ అవుతాయి.

2030-31 వరకు పథకం పొడిగింపు

కేంద్ర ప్రభుత్వం ఈ పథకాన్ని 2030-31 వరకు పొడిగించడంతో రైతుల మధ్య ఉన్న అస్పష్టత పూర్తిగా తొలగిపోయింది. అర్హత కలిగిన రైతులకు ప్రతి నాలుగు నెలల వ్యవధిలో రూ.2,000 చొప్పున ఏడాదికి మొత్తం రూ.6,000 ఆర్థిక సహాయం నేరుగా లభిస్తుంది. సాగు సమయంలో ఎరువులు, విత్తనాల కొనుగోలుకు ఈ నిధులు రైతులకు ఎంతో ఊరటనిస్తున్నాయి.